एलेक्स जिमिनेजको गोलमा पाहुना टोलीले ६५औं मिनेटमा अप्रत्याशित अग्रता लिएको थियो । तर मार्कस थुरामले ९१ औं मिनेटमा बराबरी गोल फर्काए भने पिट्र जेलेन्स्कीले ९८ औं मिनेटमा पेनाल्टीमार्फत निर्णायक गोल गरे ।
काठमाडौँ — दोस्रो हाफको इन्ज्युरीमा गरेका दुई गोलको मद्दतले इन्टर मिलानले फियोरेन्टिनालाई आइतबार इटालीको सिरी ए मा २–१ ले पराजित गरेको छ । यो जितसँगै इन्टर अंक तालिकाको शीर्ष स्थानमा फर्किएको छ ।
सानसिरोमा भएको खेलमा इन्टरले सानदार पुनरागमन गरेको हो ।
एलेक्स जिमिनेजको गोलमा पाहुना टोलीले ६५औं मिनेटमा अप्रत्याशित अग्रता लिएको थियो । तर मार्कस थुरामले ९१ औं मिनेटमा बराबरी गोल फर्काए भने पिट्र जेलेन्स्कीले ९८ औं मिनेटमा पेनाल्टीमार्फत निर्णायक गोल गरे । शीर्ष स्थानमा रहेको इन्टर र दोस्रो स्थानको लाजियोको समान २२ अंक छ ।
गोल अन्तरका आधारमा इन्टर अगाडि रहेको हो । फियोरेन्टिना भने अहिलेसम्म जितविहीन छ । ४ अंक जोडेको टोली १८औं स्थानमा छ ।
