Trending
Prev Story
Next Story

सुदूरपश्चिम च्याम्पियन एक मात्र सत्य

Ekantipur •
November 22, 2026 • 03:32 PM
4
4 reads 0 reactions

सुदूरपश्चिमले शनिबार फाइनलमा पक्षमा एकोहोरो जस्तै रह्यो । फाइनल अगाडि एक खाले डर थियो, कतै यो टिम फेरि एकपल्ट उपाधिको नजिक पुगेर पनि चुक्यो भने ? त्यसमाथि लिग चरणमा सुदूरपश्चिमको प्रदर्शन उत्तिकै प्रभावशाली रहेन्, जति यसअघिका दुई सिजन थिए ।

सुदूरपश्चिम च्याम्पियन एक मात्र सत्य

सुदूरपश्चिमले शनिबार फाइनलमा पक्षमा एकोहोरो जस्तै रह्यो । फाइनल अगाडि एक खाले डर थियो, कतै यो टिम फेरि एकपल्ट उपाधिको नजिक पुगेर पनि चुक्यो भने ? त्यसमाथि लिग चरणमा सुदूरपश्चिमको प्रदर्शन उत्तिकै प्रभावशाली रहेन्, जति यसअघिका दुई सिजन थिए ।

काठमाडौँ — नेपाल प्रिमियर लिग (एनपीएल) तेस्रो सिजनको उपाधि त्यही टिमले जितेको छ, जसले जितोस भन्ने तटस्थ कामना धेरैको थियो । लगातार दुई पल्ट फाइनल पुगेर पनि हारेको टिमले तेस्रो प्रयासमा जित्छ भने त्यो खुसी दिने खालकै हुन्छ ।

सुदूरपश्चिमले शनिबार फाइनलमा पक्षमा एकोहोरो जस्तै रह्यो । फाइनल अगाडि एक खाले डर थियो, कतै यो टिम फेरि एकपल्ट उपाधिको नजिक पुगेर पनि चुक्यो भने ? त्यसमाथि लिग चरणमा सुदूरपश्चिमको प्रदर्शन उत्तिकै प्रभावशाली रहेन्, जति यसअघिका दुई सिजन थिए ।

लुम्बिनी लायन्स पनि फाइनल अगाडि एक प्रकारले लयमै थियो, जसलाई टिम आपैmले बारम्बार ‘मोमेन्टम’ को नाम दिएको थियो । तर जसरी सुदूरपश्चिमले लक्ष्य पछ्याउने क्रममा आप्mनो इनिङ्स खेल्यो, त्यो अद्धितीय नै रह्यो । जर्ज मुन्सीले त्यसरी खेले कि लागिरहेको थियो, जुन सुकै लक्ष्य अगाडि रहेको भए पनि त्यसलाई पार लगाइन्थ्यो । त्यसैले जति जति बेला एनपीएलको तेस्रो सिजनको चर्चा गरिनेछ, त्यसमा सबैभन्दा आगडि आउने तथ्य भनेकै सुदूरपश्चिमम च्याम्पियन हुनु रहनेछ ।

अनि जसरी स्कटल्यान्डका ती ओपनर मुन्सीले खेले, त्यसको पछिसम्म पनि दोहराएर चर्चा गरिनेछ । पूरा प्रतियोगितालाई एउटा सिनेमा मान्ने हो भने मुन्सीले फाइनलमा पुगेर त्यस्तो ‘क्यामियो’ भूमिका खेले, जसले सुदूरपश्चिमको त्यस अगाडि पूरा गर्न नसकेको सपनालाई साकार पारे । प्रतियोगिताको पूरा पटकथाको अधिकांस भागमा मुन्सी कतै थिएनन् । तर एउटा यस्तो इनिङ्स खेले, जसले उनलाई नै निर्णायक बनायो । उनी एकाएक नायक बने ।

तीन सिजनको समाप्तीमा सुदूरपश्चिम अब त्यस्तो टिम भएको छ, जसलाई सबैभन्दा अब्बल र सफल मान्न सकिन्छ । अबको सिजन एकातर्फ सुदूरपश्चिम हुनेछ, अनि अर्कोतर्फ बाँकी सात टिम । यी अन्य टिमको काम भनेकै सुदूरपश्चिमलाई डिफेन्डिङ च्याम्पियनका रूपमा थप उपाधि जित्नुबाट रोक्नु हुनेछ । होइन् भने दीपेन्द्रसिंह ऐरीको नेतृत्वमा सुदूरपश्चिम अबको सिजनमा असाध्यै बलियो भएर प्रस्तुत हुन सक्नेछ । अहिलेका लागि खालि यति भने पुग्छ, तेस्रो सिजन भन्नु नै ‘सुदूरपश्चिम च्याम्पियन एक मात्र सत्य’ भएको छ ।

तेस्रो सिजनको पटकथामा खलनायक कोही रह्यो भने त्यो पिच थियो । साँच्चै पिच खलनायक ? धेरै हदसम्म । खास खास कारणले गर्दा त्रिवि अन्तर्राष्ट्रिय क्रिकेट रंगशालाको पिचले ट्वान्टी–२० क्रिकेटको उच्च सनसनी दिन बाधा पु¥याउने काम गरेको थियो । त्यसैले धेरै खेलाडी र प्रशिक्षकले यसको आलोचना गरे । प्रतियोगिताका लागि तीन पिच प्रयोगमा आएका थिए र यी नवनिर्मित जस्तै थिए । प्रतियोगिताका अगाडि टी–२० पिच तयार पार्न समय अलिकति पुगेको थिएन् ।

मौसमले पनि अनेक मोडमा बाधा पु¥याएकै थियो । पूरा सिजन दुई सय माथिको स्कोर तीन पल्ट मात्रै खडा भएको थियो । यसको अर्थ के भने यो पिचमा खुलेर रन बटुल्न ब्याटर संघषरत रह्यो । पावर–प्लेमा पनि सक्दो रन बनेन्, बरू विकेट नै धेरै खसे । यहाँनिर चितवन राइनोजका कप्तान सिकन्दर राजाको एउटा भनाई उल्लेख गर्नु नै पर्छ । उनका अनुसार नेपाली क्रिकेटलाई माथिल्लो स्तरमा पु¥याउने हो भने पिच अझ राम्रो हुनु पर्नेछ, त्यसमा बढी रन बनाउन सकिने खालमा हुनु पर्छ ।

राम्रो पिचले नै नेपाली ब्याटरलाई अबको दिनमा अन्तर्राष्ट्रिय क्रिकेटमा अझ राम्रो खेल्न मदत गर्नेछ, उनी यस्तै भन्थे । र, यो नै धेरैहदसम्म वास्तविक तथ्य हो । यति भन्दा भन्दै यहाँनिर प्रतियोगिताको पहिलो दिन च्याम्पियन बनेको सुदूरपश्चिमका प्रशिक्षक मिसबह उल–हकले जे भने, त्यसलाई पनि बिर्सनु चाहिँ हुन्न । उनी भन्थे, पिच सायद धेरै खराव छैन्, ब्याटरले नै खराव खेलेका हुन् । केही हदसम्म यी पाकिस्तानी लिजेन्डको भनाई पनि ठीक हो ।

उनीहरूको भनाइबाट बीचको निचोड के हो भने तेस्रो सिजनको एनपीएल जत्तिकै तामझामले सकिएको भएता पनि नेपाली क्रिकेटले गर्नु पर्ने काम धेरै बाँकी छ । त्यो भनेको नेपाली क्रिकेट टी–२० ढाँचामै मात्र अल्झिरहनु हुन्न । घरेलु क्रिकेटलाई अझ बलियो बनाउनु पर्ने हुन्छ । सेतो बलकोे क्रिकेटमै मात्र बढी ध्यान नदिएर रातो बलको खेललाई पनि उत्तिकै महत्व दिनु पर्छ । दुई अथवा त्यो भन्दा बढी दिन खेलिने क्रिकेटले नै राम्रो ब्याटर अथवा बलर दिनेछ, त्यो पनि बिर्सन हुन्न ।

हामीसँग पूरा प्रतियोगिताको अचुक विश्लेषण गर्ने तथ्यांक र आधार उपलब्ध छैनन्, तर एउटा तथ्य के हो भने हाम्रो स्वदेशी खेलाडीले विदेशी खेलाडीको तुलनामा केही पछाडि नै देखिए । सुरुका केही खेलमा ‘प्लेयर अफ द म्याच’ मा नेपालीको वर्चश्व रहँदा सबैे खुसी थिए । तर प्रतियोगिता अगाडि बढ्दै जा“दा खेलमा होस अथवा निर्णायक मोडमा विदेशी खेलाडी नै हाबी रहे । नेपाली खेलाडी प्रतियोगिता अगाडि बढ्ने क्रममा केही थाकेको, खुलेर खेल्न नसकेको पनि देखियो ।

प्रतियोगिताको लिग चरणमा जति बेला प्ले–अफ समीकरण बन्ने मोड आयो, अनि इलिमिनेटरदेखि क्वालिफायर र फाइनलनै भए, त्यसमा विदेशी खेलाड हाबी हुन थाले । स्वेदशी खेलाडीको प्रदर्शन केही ओझेलमै परेको अनुभव गर्न सकिन्थ्यो । यहाँनिर भने जनकपुर बोल्ट्सका प्रशिक्षक शिवनारायन चन्द्रपउलको भनँइ उल्लेख गर्न आवश्यक छ । आप्mनो टिम कमजोर भएर पुछारमा परेपछि निराश यी वेस्ट इन्डिजका महान खेलाडीको भनाई थियो, एनपीएलमा कुनै पनि टिमले राम्रो गर्नु छ भने खेल्नु पर्ने त नेपाली खेलाडीनै हुन्छ, विदेशी होइन् ।

यस्तोमा कुरा उही फेरि हुन्छ, नेपाली खेलाडीको स्तर बढाउन जे जस्तो काम आवश्यक हुन्छ, यो पूरा गर्नु पर्छ । त्योे भने माथिल्लो स्तरको लामो समयको क्रिकेट नै हुन सक्छ । नाम चलेका जति पनि विदेशी खेलाडी आए, तिनीसँग डे«सिङ रुममा बिताएर नेपाली खेलाडीले धेरै सिकेको पनि छन् होला, अथवा अबका दिनमा नेपाली खेलाडीको आत्मविश्वास नै बेग्लै स्तरमा पुगेको हुनु पर्छ । तर तिनै विदेशी खेलाडीले प्रतियोगिता बीचमै छाडेर गएर केही नमज्जाको काम पनि गरे ।

खास खास विदेशी खेलाडीको अनुपस्थितिले उनको टिमलाई असाध्यै धेरै खराव प्रभाव परेको पनि देखियो । एउटा प्रमुख खेलाडी एकाएक फर्कदा टिमको सन्तुलन तलमाथि हुन्छ नै । प्रतियोगिताको अन्त्य अन्त्यतिर यो असन्तुलन धेरै दखियो पनि । यस्तोमा आवाज पनि सुन्न थालिएको छ, पूरा सिजन खेल्छु भनेर ‘कमिटमेन्ट’ गर्ने विदेशी खेलाडी चाहिन्छ, नत्र केही खेलमै सीमित हुने खेलाडीले उल्टै टिमलाई बिगार्न पो सक्छ । यो तथ्य पनि धेरै हदसम्म सत्य देखिएको छ ।

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Bizshala
1d ago
मुन्सीको १२ छक्कासहित अविजित १२५ रनले सुदूरपश्चिमलाई दिलायो पहिलो एनपीएल उपाधि

मुन्सीको १२ छक्कासहित अविजित १२५ रनले सुदूरपश्चिमलाई दिलायो पहिलो एनपीएल उपाधि

काठमाण्डौ । लगातार दुई फाइनलमा उपाधि गुमाएको सुदूरपश्चिम रोयल्सले तेस्रो प्रयासमा नेपाल प्रिमियर लिग (एनपीएल) को ट्रफी...

#फाइनल #सुदूरपश्चिम
Compare →
Hamro Patro News
1d ago
तेस्रो प्रयासमा सुदूरपश्चिमले उचाल्यो एनपीएल ट्रफी

तेस्रो प्रयासमा सुदूरपश्चिमले उचाल्यो एनपीएल ट्रफी

५ मंसिर, काठमाडौं । लगातार दुई संस्करणको फाइनलमा पुगेर पनि उपाधिबाट वञ्चित भएको सुदूरपश्चिम रोयल्सले तेस्रो प्रयासमा नेपाल प्रिमियर लिग (एनपीएल) को ट्रफी उचालेको छ । साविक विजेता लुम्बिनी लायन्सलाई...

#फाइनल #सुदूरपश्चिम
Compare →
Nagarik News
1d ago
सुदूरपश्चिमले टस जित्यो, लुम्बिनीलाई ब्याटिङको निम्तो

सुदूरपश्चिमले टस जित्यो, लुम्बिनीलाई ब्याटिङको निम्तो

सुदूरपश्चिम रोयल्सले नेपाल प्रिमियर लिग (एनपीएल) तेस्रो सिजनको फाइनलमा लुम्बिनी लायन्सविरुद्ध पहिले फिल्डिङ गर्ने भएको छ ।

#फाइनल #सुदूरपश्चिम
Compare →

Related Stories

Sports
Build #2612