Trending
Prev Story
Next Story

देउवाको दाबी- शेरबहादुरको घरमा आक्रमण गर्नुपर्छ भन्नेलाई चुनावमा टिकट दिइयो

Onlinekhabar •
November 20, 2026 • 12:00 PM
2
2 reads 0 reactions

५ मंसिर, पोखरा । नेपाली कांग्रेसका पूर्वसभापति शेरबहादुर देउवाले प्रतिनिधिसभामा आफ्नो घरमा आक्रमण गर्नुपर्छ भन्नेहरूलाई टिकट दिइएको दाबी गरेका छन् । शनिबार कांग्रेस(देउवा पक्ष)को गण्डकी प्रदेश अधिवेशनलाई सम्बोधन गर्दै उनले कांग्रेस र सभापति गगन थापालाई लक्षित …

देउवाको दाबी- शेरबहादुरको घरमा आक्रमण गर्नुपर्छ भन्नेलाई चुनावमा टिकट दिइयो

५ मंसिर, पोखरा । नेपाली कांग्रेसका पूर्वसभापति शेरबहादुर देउवाले प्रतिनिधिसभामा आफ्नो घरमा आक्रमण गर्नुपर्छ भन्नेहरूलाई टिकट दिइएको दाबी गरेका छन् ।

शनिबार कांग्रेस(देउवा पक्ष)को गण्डकी प्रदेश अधिवेशनलाई सम्बोधन गर्दै उनले कांग्रेस र सभापति गगन थापालाई लक्षित गर्दै यो अभिव्यक्ति दिएका हुन् ।

‘यस्ता मान्छे रहेछन् कांग्रेस भनेर देशभर पालिएका । त्यसमा केही चिन्ता गर्ने साथीहरू पनि छन्,’ देउवाले भने, ‘अब शेरबहादुरको घरमा आक्रमण गर्नुपर्छ भन्नेहरूलाई टिकट दिइयो । अनि मलाई जसले मार्नुपर्छ भन्ने मान्छे चार जनालाई टिकट दिइयो निर्वाचनमा । त्यसमा स्पष्ट भइसक्यो ।’

उनले आफूलाई मार्न खोज्नेका पछाडिको षडयन्त्र थाहा भइसकेको पनि बताए । ‘देशभरीमा हाम्रो नेताजीहरूको घरमा आगो लगाउने, हामीलाई मार्न खोज्ने पछाडि को छ भन्ने कुरा स्पष्ट भइसक्यो,’ उनले भने ।

उनले विशेष अधिवेशन गर्न पाइने बताए । विगतमा सुवर्ण शमशेर जबरा पार्टी सभापति हुँदा उनले विशेष अधिवेशन गराएको बताए ।

तर, अहिले भएको विशेष महाधिवेशन पार्टीलाई षडयन्त्रपूर्वक कब्जा गर्ने कुरा मात्रै रहेको उनले बताए । ‘र, त्यसको खिलापमा लड्नुपर्ने मेरो कर्तव्य थियो,’ उनले भने ।

आफूमाथि आक्रमण भइसकेपछि सिंगापुर र हङकङ गएर उपचार गरेको र अहिले आफू पूर्ण रूपमा स्वस्थ रहेको पनि देउवाले बताए ।

‘त्यहाँ मेरो उपचार भएर म पूर्ण स्वस्थ भएको छु । यसमा सबै साथीभाइको सद्भावमा, नेपाली जनताको कृपामा म बाँचेको छु,’ देउवाले भने ।

अब आफूलाई केही नचाहिएको बताउँदै उनले आफूले देशलाई दिनुबाहेक केही नरहेको बताए ।

‘यो लोकतन्त्रलाई अझ मजबुत बनाउनु छ । यो गणतन्त्रलाई अझ मजबुत बनाउनु छ,’ उनले भने, ‘मेरो कर्तव्य छ, मलाई सबैथोक दिएको पार्टी, २०–२१ वर्षदेखि जेल परेको व्यक्ति हुँ । मेरो बुबाले सेनामा जा भन्नुहुन्थ्यो । तर हुँदाहुँदा जेल परेँ, प्रधानमन्त्री भएँ । मैले धेरै पाइसकेँ । मैले जिन्दगीभर यो राष्ट्रको लागि, लोकतन्त्रका लागि समर्पण गर्नुबाहेक केही पनि छैन ।’

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
1h ago
आरजु र मलाई जेनजीले बचाएका हुन्, त्यसमा ठूलो षडयन्त्र थियो : शेरबहादुर देउवा

आरजु र मलाई जेनजीले बचाएका हुन्, त्यसमा ठूलो षडयन्त्र थियो : शेरबहादुर देउवा

५ मंसिर, काठमाडौं । नेपाली कांग्रेसका पूर्वसभापति शेरबहादुर देउवाले जेनजी आन्दोलनका बेला आफू र पत्नी डा. आरजु राणा देउवालाई जेनजीहरूले नै बचाएको बताएका छन् । शनिबार कांग्रेस(देउवा पक्ष)को गण्डकी प...

#शेरबहादुर-देउवा #कांग्रेस #देउवा
Compare →
Arthasansar
9h ago
एनपीएल फाइनलको टिकट बिक्री विवादमा क्यानको स्पष्टीकरण, एकैपटक २ लाखले खोजेका थिए टिकट

एनपीएल फाइनलको टिकट बिक्री विवादमा क्यानको स्पष्टीकरण, एकैपटक २ लाखले खोजेका थिए टिकट

नेपाल प्रिमियर लिग (एनपीएल) को फाइनल खेलको टिकट बिक्रीलाई लिएर समर्थकबाट प्रश्न उठेपछि नेपाल क्रिकेट संघ (क्यान) ले स्पष्टीकरण दिएको...

#टिकट
Compare →
Ekantipur
9h ago
देउवा समूहको बागलुङ सभापतिमा छन्त्याल निर्विरोध

देउवा समूहको बागलुङ सभापतिमा छन्त्याल निर्विरोध

अधिवेसन उद्घाटन गर्न पुगेका पुर्व सभापति शेरबहादुर देउवाले अबको आफ्नो जीवन लोकतन्त्रकालागि समर्पित गर्ने बताए ।

#शेरबहादुर-देउवा #देउवा
Compare →
Nagarik News
10h ago
बंगलादेशमा हिंसा चर्कियो : युनुसपछि विदेश राज्यमन्त्रीको घरमा पनि आगजनी

बंगलादेशमा हिंसा चर्कियो : युनुसपछि विदेश राज्यमन्त्रीको घरमा पनि आगजनी

उनले घटनामा संलग्न दोषीमाथि कडा कानुनी कारबाही गर्ने बताएका छन्।

#घरमा
Compare →
Bizshala
1d ago
एनपीएल फाइनलको टिकट केही मिनेटमै सकियो, एकैपटक दुई लाखले खोजे टिकट

एनपीएल फाइनलको टिकट केही मिनेटमै सकियो, एकैपटक दुई लाखले खोजे टिकट

काठमाण्डौ । नेपाल प्रिमियर लिग (एनपीएल) को तेस्रो संस्करणको फाइनल खेलका लागि टिकट खरिद गर्न खोज्ने दर्शकको अत्यधिक चाप...

#टिकट
Compare →

Related Stories

Politics & Governance
Build #2612