१४ ह्यान्डिक्यापमा खेलेका दीपकले ४१ स्टेबलफोर्ड अंक जोड्दै उपाधि जिते । दुई ह्यान्डिक्यापमा खेलेका टासी डोङ उपविजेता बने ।
काठमाडौँ — गल्फर दीपककुमार कार्कीले गोकर्ण गल्फ क्लबमा शनिबार सम्पन्न लक्ष्मी सनराइज बैंक आमन्त्रण गल्फ प्रतियोगिताको उपाधि जितेका छन् ।
१४ ह्यान्डिक्यापमा खेलेका दीपकले ४१ स्टेबलफोर्ड अंक जोड्दै उपाधि जिते । दुई ह्यान्डिक्यापमा खेलेका टासी डोङ उपविजेता बने ।
नोर्बुछिरिङ शेर्पाले ३७ ग्रस अंकसहित बेस्ट ग्रसको उपाधि जितेका छन् । महिलातर्फ एञ्जिला योञ्जनले ३४ अंकसहित उपाधि जितिन् भने विपना श्रेष्ठ ३३ अंकसहित उपविजेता भइन् ।
६० वर्षमाथिको सिनियरतर्फ प्रकाश राणाले ३४ अंकसहित उपाधि जिते । पूर्णमान शाक्य ३३ अंकसहित दोस्रो भए ।
विजय श्रेष्ठले लङ्गेस्ट ड्राइभ, रोबिन राणाले क्लोजेस्ट टु दी पिन तथा टासी डोङले ६ बर्डीसहित मोस्ट बर्डिजको पुरस्कार जितेका छन् । लक्ष्मी सनराइज बैंकको रङ झल्किने पहिरन लगाएका विजयबहादुर श्रेष्ठ र आत्माराम सिम्खडाले एलिगेन्ट गल्फरको पुरस्कार प्राप्त गरे ।
लक्ष्मी सनराइज बैंकको प्रायोजनमा आयोजित प्रतियोगिता ३/४ ह्यान्डिक्यापमा स्टेबलफोर्ड फर्म्याटमा खेलाइएको थियो । प्रतियोगितामा ११ महिला खेलाडीसहित ११२ गल्फरको सहभागिता थियो ।
प्रतियोगिताका विजेतालाई लक्ष्मी सनराइज बैंकका अध्यक्ष रमण नेपाल, सीईओ सुमेध भट्टराई तथा गोकर्ण गल्फ क्लबका क्याप्टेन जोसेफ नाथनले पुरस्कार वितरण गरे ।