Trending
Prev Story
Next Story

चल्दै चलेनन् आसिफ

Ekantipur •
November 21, 2026 • 12:03 PM
3
3 reads 0 reactions

लुम्बिनी लायन्सका ओपनर आसिफलाई स्कट कुग्लेनले एलबीडब्ल्यू आउट गरेपछि लिइएको डीआरएसमा पनि बलले स्टम्प हिर्काएको देखियो।

चल्दै चलेनन् आसिफ

लुम्बिनी लायन्सका ओपनर आसिफलाई स्कट कुग्लेनले एलबीडब्ल्यू आउट गरेपछि लिइएको डीआरएसमा पनि बलले स्टम्प हिर्काएको देखियो।

काठमाडौँ — नेपाली राष्ट्रिय टोलीका ओपनर आसिफ शेखले शनिबार नेपाल प्रिमियर लिगको फाइनलमा पनि निराश बनाएका छन् । लुम्बिनी लायन्सका यी ओपनरले फाइनलमा सुदूरपश्चिम रोयल्सविरुद्ध १ रनमात्र बनाउन सके ।

सुदूरपश्चिम रोयल्सका बलर स्कट कुगेलेइनको बलमा उनी बिट हुन पुगेका थिए र बल प्याडमा लागेको थियो । सुदूरपश्चिम रोयल्सले अपिल गरेपछि आसिफलाई अनफिल्ड अम्पायरले एलबीडब्ल्यू आउट दिएका थिए । जवाफमा आसिफले डीआरएस लिएका थिए । तर टेलिभिजन रिप्लेमा बलले स्टम्प हिट गरेको देखाइएपछि उनी पेभेलियन लागेका थिए ।

उनी यस प्रतियोगितामा तेस्रो पटक १ रनमा आउट भएका हुन् । सुदूरपश्चिम रोयल्ससँगको क्वालिफायर १ मा उनले १ रनमात्र बनाउन सकेका थिए । आसिफले लुम्बिनी लायन्सबाट ८ खेलमा १ सय १२ रनमात्र बनाउन सके । उनको औसत १४ रह्यो भने स्ट्राइक रेट १ सयमुनि रह्यो ।

सुदूरपश्चिमसँग ३२ रन बनाउँदै उनले प्रतियोगितामा राम्रो सुरुआत गरेका थिए । तेस्रो खेलमा आफ्नो पूर्वटोली जनकपुर बोल्ट्सविरुद्ध उनले २१ रन बनाएका थिए । विराटनगर किंग्सविरुद्धको लिग चरणको अन्तिम खेलमा उनले ४५ रन बनाएका थिए, जुन आसिफको प्रतियोगितामा उच्च स्कोर रह्यो ।

पहिलो सिजनमा जनकपुरलाई उपाधि दिलाउने क्रममा आसिफ फाइनलमा टोलीका कप्तान थिए । अर्को सिजन पनि जनकपुरबाट खेलेका आसिफ यसै सिजन लुम्बिनी आएका हुन् । मिनी अक्सनमा आसिफलाई सबै ८ टोलीले अधिकतम २० लाख रुपैयाँको बोली लगाएका थिए । लक्की ड्रपछि उनी लुम्बिनी पुगेका थिए ।

विनोद पाण्डे कान्तिपुरका खेलकुद ब्यूरो प्रमुख हुन् ।

Prev Swipe Story Next

Same Story from Other Publications

Compare how 1 other independent news outlet reported on this story.

1 Publication
Hamro Patro News
20h ago
एनपिएल फाइनलः लुम्बिनी लायन्स र सुदूरपश्चिम रोयल्स भिड्दै

एनपिएल फाइनलः लुम्बिनी लायन्स र सुदूरपश्चिम रोयल्स भिड्दै

काठमाडौं- नेपाल प्रिमियर लिग (एनपिएल) को तेस्रो संस्करणको उपाधिका लागि शनिबार साविक विजेता लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदैछ। कीर्तिपुरस्थित त्रिवि अन्तरराष्ट्रिय क्रिकेट ...

#लुम्बिनी #लायन्स
Compare →

Related Stories

Sports
Build #2612