Trending
Prev Story
Next Story

‘सञ्चारको सइ’ बनेर पीडित सहकर्मीलाई गाली गर्ने हवल्दारमाथि निलम्बन प्रक्रिया सुरु

Nagarik News •
November 21, 2026 • 09:27 AM
2
2 reads 0 reactions

सार्वजनिक अडियोमा यादवले फोनमा ‘को बोल्नुभयो सर, हवल्दारसाहेब कि असइसाहेब’ भनी परिचय सोधेको सुनिन्छ। तर, महतोले आफूलाई सइ बताउँदै ‘जय नेपाल’ नगरेको र बोल्ने शैली नमिलेको भन्दै यादवलाई झपारेका थिए।

‘सञ्चारको सइ’ बनेर पीडित सहकर्मीलाई गाली गर्ने हवल्दारमाथि निलम्बन प्रक्रिया सुरु

आफूलाई ‘सञ्चारको सइ’ बताउँदै छोरालाई खोजिदिन आग्रह गरेका सहकर्मीलाई गालीगलौज गर्ने जिल्ला प्रहरी कार्यालय गौरका हवल्दार बुधन महतोमाथि निलम्बन प्रक्रिया अघि बढाइएको छ।

घटनाको अडियो सार्वजनिक भएसँगै चौतर्फी आलोचना भएपछि रौतहट प्रहरीले महतोमाथि कारबाही प्रक्रिया थालेको हो।

मधेश प्रदेश प्रहरी कार्यालय जनकपुरले घटनाको सत्यतथ्य छानबिन गर्न निर्देशन दिएलगत्तै रौतहट प्रहरीले महतो र पीडित हवल्दार सुरेश यादव दुवैलाई जनकपुर पठाएको छ।

जिल्ला प्रहरी कार्यालय रौतहटका प्रहरी प्रमुख सिताराम रिजालले दुवैबीच के भएको हो भन्ने विषयमा अनुसन्धान भइरहेको जानकारी दिए।

‘सार्वजनिक अडियोमा गल्ती दुवैको देखिएको छ,’ उनले भने, ‘हवल्दार बुधन महतोले आफूलाई सइ बताएर आफ्ना सहकर्मीमाथि गरेको गालीगलौजका कारण अनुसन्धान हुन्छ।’

प्रहरी प्रमुख रिजालले पीडित हवल्दार यादवले पनि पहिला घटनाबारे कार्यालय प्रमुखलाई जानकारी नगराई अडियो सार्वजनिक गरेको बताए। कार्यालय प्रमुखलाई सुनाउनुपर्ने विषय सिधै सामाजिक सञ्जालमा हालेको उनको भनाइ छ।

नेपाल प्रहरीको जनकपुर गणबाट थप मद्दतका लागि रौतहटको चन्द्रपुर-९ स्थित डुमरिया इलाका प्रहरी कार्यालय (सुरक्षा बेस) मा खटिएका हवल्दार यादवका १७ वर्षीय छोरा चन्दनकुमार यादव दुई दिनअघि सदरमुकाम गौरस्थित घरबाट बेपत्ता भएका थिए। एसईई सकेर अध्ययनका लागि राजधानीमा बस्दै आएका चन्दन छठ पर्व मनाउन घर आएका बेला अचानक हराएका हुन्।

छोराको खोजी र उद्धारका लागि जानकारी गराउन यादवले शुक्रबार जिल्ला प्रहरी कार्यालयको कन्ट्रोल रुममा सम्पर्क गरेका थिए। त्यहाँबाट सञ्चार शाखामा टिपाउन भनिएपछि उनले सञ्चार शाखामा फोन गरेका थिए।

सार्वजनिक अडियोमा यादवले फोनमा ‘को बोल्नुभयो सर, हवल्दारसाहेब कि असइसाहेब’ भनी परिचय सोधेको सुनिन्छ। तर, महतोले आफूलाई सइ बताउँदै ‘जय नेपाल’ नगरेको र बोल्ने शैली नमिलेको भन्दै यादवलाई झपारेका थिए।

महतोले आफ्नो दर्जा बताउन नमिल्ने जवाफ दिँदै अपमानजनक गालीगलौज गरेको अडियोमा सुन्न सकिन्छ।

छोरा बेपत्ता भएको घटनाको जानकारी गराउन फोन गरेका व्यक्तिमाथि प्रहरीबाटै दुर्व्यवहार भएको आरोप सार्वजनिक भएपछि रौतहट प्रहरीको आलोचना भएको छ।

प्रदेश प्रहरी कार्यालयका प्रवक्ता एसएसपी प्रभुप्रसाद ढकालले विज्ञप्ति जारी गर्दै शुक्रबार सञ्चार शाखा र डुमरिया सुरक्षा बेसमा कार्यरत प्रहरी कर्मचारीबीचको संवादमा सुनिएको भाषा, शब्द र शैलीप्रति गम्भीर ध्यानाकर्षण भएको उल्लेख गरेका छन्।

प्रकाशित: ५ मंसिर २०८३ १५:१२ शनिबार

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Ekantipur
3h ago
छोरा हराएको खबर गर्दा हवल्दारलाई गाली गर्ने सहकर्मीमाथि छानबिन

छोरा हराएको खबर गर्दा हवल्दारलाई गाली गर्ने सहकर्मीमाथि छानबिन

घटनाको अडियो सार्वजनिक भएलगत्तै मधेश प्रदेश प्रहरी कार्यालय जनकपुरले जिल्ला प्रहरी कार्यालय रौतहटको गौर सञ्चार शाखामा कार्यरत हवल्दार बुधन महतोमाथि छानबिन प्रक्रिया अघि बढाएको छ ।

#रौतहट #सहकर्मी #गाली
Compare →
Hamro Patro News
6d ago
युवा क्रिकेटर राहुल यादवको गाउँमा ऋषि धमलालाई भव्य स्वागत, गरे २५ हजार सहयोग

युवा क्रिकेटर राहुल यादवको गाउँमा ऋषि धमलालाई भव्य स्वागत, गरे २५ हजार सहयोग

रौतहट । रौतहटको बौधिमाई नगरपालिका–१ मा स्वतन्त्र नागरिक अभियान नेपालका संयोजक ऋषि धमला र युवा क्रिकेटर राहुल यादवलाई स्थानीयले भव्य स्वागत गरेका छन् । छठ पर्वको अवसरमा मधेस यात्रामा निस्किएका धमला...

#यादव #रौतहट
Compare →
Onlinekhabar
23h ago
एन्फा निलम्बन फुकुवाको प्रक्रिया अगाडि बढिसक्यो : खेलकुदमन्त्री पोखरेल

एन्फा निलम्बन फुकुवाको प्रक्रिया अगाडि बढिसक्यो : खेलकुदमन्त्री पोखरेल

५ मंसिर, काठमाडौं । शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका …

#निलम्बन
Compare →
Arthasansar
2d ago
राखेपद्वारा एन्फामाथिको प्रशासनिक तथा आर्थिक निलम्बन फुकुवा

राखेपद्वारा एन्फामाथिको प्रशासनिक तथा आर्थिक निलम्बन फुकुवा

राष्ट्रिय खेलकुद परिषद् (राखेप)ले अखिल नेपाल फुटबल संघ (एन्फा)माथि लगाएको प्रशासनिक तथा आर्थिक प्रतिबन्ध हटाएको छ । राखेपको कार्यकारी समितिले...

#निलम्बन
Compare →

Related Stories

World News
Build #2612