Trending
Prev Story
Next Story

दशौं राष्ट्रिय खेलकुद प्रतियोगिताका तयारी ९० प्रतिशत पूरा : मुख्यमन्त्री शाही

Onlinekhabar •
November 20, 2026 • 12:00 PM
1
1 reads 0 reactions

४ मंसिर, सुर्खेत । कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको …

दशौं राष्ट्रिय खेलकुद प्रतियोगिताका तयारी ९० प्रतिशत पूरा : मुख्यमन्त्री शाही

४ मंसिर, सुर्खेत । कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् ।

मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु हुनुअघि करिब ९० प्रतिशत काम सम्पन्न गर्ने लक्ष्य रहेको बताए । उनका अनुसार खेलस्थल, प्रकाश व्यवस्थापन, खेल सामग्री र खेलाडीको पोसाकको व्यवस्था मिलाउने काम भइरहेको छ । केही खेलस्थलमा सामान्य मर्मतसम्भार र प्राविधिक काम बाँकी रहे पनि तोकिएको समयभित्र सक्ने सरकारको योजना छ ।

‘अहिले तयारीका अधिकांश काम अघि बढिसकेका छन् । बाँकी काम पनि तोकिएको समयभित्र पूरा गर्ने लक्ष्य छ । सात दिनभित्र तयारीलाई ९० प्रतिशतसम्म पुर्‍याउँछौँ,’ मुख्यमन्त्री शाहीले भने ।

दशौँ राष्ट्रिय खेलकुदमा ३२ खेल विधाका प्रतिस्पर्धा हुने कार्यक्रम छ । खेलहरू कर्णालीका विभिन्न जिल्ला र लुम्बिनी प्रदेशका केही जिल्लामा सञ्चालन हुनेछन् ।

सुर्खेतमा सबैभन्दा बढी २३ खेल गर्ने तयारी छ । सल्यान, नेपालगञ्ज र बर्दियामा दुई–दुई तथा दैलेख, कालीकोट र पश्चिम रुकुममा एक–एक खेल हुनेछन् ।

विभिन्न जिल्लामा खेल गर्दा खेलाडी, प्रशिक्षक, निर्णायक र व्यवस्थापकको आवास, यातायात, भोजन र प्राविधिक व्यवस्थापनमा विशेष ध्यान दिनुपर्ने हुन्छ । यसका लागि सम्बन्धित जिल्लाका स्थानीय तह र सरोकारवाला निकायसँग समन्वय भइरहेको मुख्यमन्त्रीले बताए ।

खेलस्थलमा आवश्यक पूर्वाधार भए पनि केही स्थानमा प्रकाश व्यवस्थापन, मर्मतसम्भार र अन्य प्राविधिक काम बाँकी छन् ।

राष्ट्रिय स्तरको प्रतियोगिताका लागि खेलस्थल तयार पार्नु मात्र पर्याप्त हुँदैन । खेलाडीको पोसाक, खेल सामग्री, प्राविधिक जनशक्ति र निर्णायकको व्यवस्थापन पनि उत्तिकै महत्वपूर्ण हुन्छ । मुख्यमन्त्री शाहीका अनुसार खेलाडीको पोसाकदेखि खेल सामग्रीसम्मको व्यवस्थापन भइरहेको छ। सामग्री खरिदका लागि टेन्डर प्रक्रिया अघि बढाइएको छ ।

सहभागी खेलाडीलाई समयमै सामग्री उपलब्ध गराउने र खेल सञ्चालनमा अवरोध नहुने गरी तयारी भइरहेको उनको भनाइ छ ।

देशभरबाट खेलाडी, प्रशिक्षक, व्यवस्थापक र दर्शक सहभागी हुने भएकाले सुरक्षा व्यवस्थापन अर्को महत्वपूर्ण पक्ष हो । सुरक्षा निकायसँग समन्वय भइरहेको छ। सुरक्षा समन्वय बैठकमा करिब दुई हजार सुरक्षाकर्मी परिचालन गर्ने र १५ खेलस्थलमा सीसीटीभी निगरानी राख्ने तयारीबारे जानकारी दिइएको छ ।

अस्पताल तथा स्वास्थ्य संस्थालाई तयारी अवस्थामा राख्ने, आकस्मिक उपचारको व्यवस्था मिलाउने र खेलाडी तथा दर्शकको स्वास्थ्य सुरक्षालाई प्राथमिकता दिने विषयमा पनि छलफल भएको छ । मुख्यमन्त्री शाहीले सुरक्षा निकाय, स्वास्थ्य संस्था र सम्बन्धित सबै निकायबीच समन्वय भइरहेको बताए ।

मंसिर १६ मा उद्घाटन, स्थानीय तहको पनि सहयोग

दशौँ राष्ट्रिय खेलकुदको औपचारिक उद्घाटन मंसिर १६ गते सुर्खेतस्थित कर्णाली प्रदेश रंगशालामा हुने कार्यक्रम छ । केही खेल भने मंसिर ८ गतेदेखि नै सुरु हुने तयारी छ ।

उद्घाटन समारोहलाई भव्य र व्यवस्थित बनाउन प्रदेश सरकार, कर्मचारी, स्थानीय तह र विभिन्न संघसंस्थासँग समन्वय भइरहेको मुख्यमन्त्रीले बताए । स्थानीय तह तथा अन्य संस्थाले प्रवेशद्वार निर्माणलगायतका काममा सहयोग गर्ने तयारी गरेका छन् ।

प्रदेश सरकारले समारोहमा सहभागी हुने अतिथि, खेलाडी, कर्मचारी र दर्शकको व्यवस्थापनलाई समेत प्राथमिकतामा राखेको छ ।

यो प्रतियोगिता कर्णालीका लागि खेलकुद प्रतिस्पर्धा मात्र नभई आर्थिक तथा सामाजिक गतिविधि विस्तार गर्ने अवसर पनि हो ।

देशभरबाट खेलाडी, प्रशिक्षक, निर्णायक, व्यवस्थापक र दर्शक आउने भएकाले होटल, यातायात, रेस्टुरेन्ट, खाद्यान्नलगायतका व्यवसायमा चहलपहल बढ्ने अपेक्षा गरिएको छ ।

मुख्यमन्त्री शाहीले पनि सकारात्मक प्रभाव पर्ने विश्वास व्यक्त गरे । ‘यस्तो ठूलो प्रतियोगिता आयोजना हुँदा प्रदेशमा आर्थिक गतिविधि बढ्छ । होटल, यातायात, व्यापार तथा पर्यटन क्षेत्रमा चहलपहल बढ्नेछ। कर्णालीलाई चिनाउने अवसर पनि हो,’ उनले भने ।

प्रतियोगितापछि पूर्वाधारको उपयोग मुख्य चुनौती

राष्ट्रिय खेलकुदका लागि बनाइएका खेल संरचना प्रतियोगितापछि कसरी उपयोग हुन्छन् भन्ने प्रश्न पनि उत्तिकै महत्वपूर्ण छ ।

यी पूर्वाधारलाई नियमित प्रशिक्षण, स्थानीय प्रतियोगिता र राष्ट्रिय स्तरका अन्य खेल आयोजनामा प्रयोग गर्न सके मात्र प्रदेशले दीर्घकालीन लाभ लिन सक्छ । मुख्यमन्त्री शाहीले भविष्यमा कर्णालीमा राष्ट्रिय स्तरका प्रतियोगिता आयोजना गर्ने आधार तयार भएको बताएका छन् ।

तर त्यसका लागि संरचनाको नियमित सञ्चालन, मर्मतसम्भार, दक्ष प्रशिक्षकको उपलब्धता र खेलाडी उत्पादनमा निरन्तर लगानी आवश्यक हुन्छ ।

कर्णालीकै खेलाडी उत्पादन र पदकको चुनौती

कर्णालीका खेलाडीलाई जिल्लास्तरबाट छनोट गर्दै प्रदेश र राष्ट्रिय स्तरसम्म प्रतिस्पर्धा गर्न सक्ने वातावरण आवश्यक रहेको मुख्यमन्त्री शाहीको भनाइ छ । नियमित प्रशिक्षण, दक्ष प्रशिक्षक, खेल सामग्री र प्रोत्साहन पाए कर्णालीले राष्ट्रिय स्तरमा उपस्थिति बलियो बनाउन सक्ने उनको विश्वास छ ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Ekantipur
23h ago
दसौं राष्ट्रिय खेलकुदको तयारी अन्तिम चरणमा

दसौं राष्ट्रिय खेलकुदको तयारी अन्तिम चरणमा

१० खेलको प्रतिस्पर्धा उद्घाटन अघि नै सुरु हुने, स्वर्णसहित सबै पदक विजेतालाई नगद पुरस्कार, ७२ करोडसम्म खर्च गर्न सकिने

#तयारी #खेलकुद
Compare →
Hamro Patro News
1d ago
दशौँ राष्ट्रिय खेलकुद प्रतियोगिताको तयारी अन्तिम चरणमा

दशौँ राष्ट्रिय खेलकुद प्रतियोगिताको तयारी अन्तिम चरणमा

काठमाडौं । कर्णाली प्रदेशमा आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको छ । राष्ट्रिय खेलकुद परिषद्ले बिहीबार काठमाडौंमा पत्रकार सम्मेलन गर्दै मंसिर १६ देखि २७ ...

#तयारी #खेलकुद
Compare →
Nagarik News
3h ago
दशौँ राष्ट्रिय खेलकुद : सात जिल्लामा खेलाइने, कुन जिल्लामा के–कति खेल हुन्छन् ?

दशौँ राष्ट्रिय खेलकुद : सात जिल्लामा खेलाइने, कुन जिल्लामा के–कति खेल हुन्छन् ?

दशौँ राष्ट्रिय खेलकुद-२०८३ अन्तर्गतका खेलहरू कर्णालीका ५ र लुम्बिनी प्रदेशका २ गरी कुल ७ स्थानमा सञ्चालन हुने भएका छन्।

#खेलकुद
Compare →
Bizshala
8h ago
स्थानीय तहको निर्वाचन तयारीमा आयोगको सक्रियता तीव्र, आज राष्ट्रिय दलहरूसँग छलफल

स्थानीय तहको निर्वाचन तयारीमा आयोगको सक्रियता तीव्र, आज राष्ट्रिय दलहरूसँग छलफल

काठमाण्डौ । निर्वाचन आयोगले आगामी स्थानीय तहको निर्वाचनलाई लक्षित गर्दै राजनीतिक दलहरूसँग परामर्श प्रक्रिया अघि...

#तयारी
Compare →

Related Stories

Politics & Governance
Build #2612