नेपाल विद्युत प्राधिकरणले तयार पारेको विद्यत खरिद सम्झौता (पीपीए) को प्रारुप हाललाई स्थगित भएको छ । ऊर्जा मन्त्री विरोज भक्त श्रेष्ठसँग भएको छलफलमा यो विषय हाललाई स्थगित भएको स्वतन्त्र ऊर्जा उत्पादकहरुको संस्था नेपाल (इप्पान) का अध्यक्ष मोहन कुमार डाँगीले अर्थसंसारलाई जानकारी दिए ।
उनले कार्यलदका संयोजक अंशुकिरण शाहीलाई नै राखेर यो विषय इप्पानसँग छलफल गरेर मात्रै अघि बढाउन निर्देशन दिएको अध्यक्ष डाँगीले जानकारी दिए । ‘आज मन्त्रीसँग छलफल भयो र संयोजकलाई नै यो विषयमा इप्पानसँग छलफल नगरि अघि बनाउनु भन्नु भएको छ । यो भनेको रोकिएको नै हो,’ उनले भने । प्राधिकरणले चैनपुर सेती (२१० मेगावाट), सिम्बुवा (७० मेगावाट), बेतन कर्णाली (४३९ मेगावाट), जगदुल्ला ए (१२४ मेगावाट), विद्युत् उत्पादन कम्पनीको सोलार आयोजना (३० मेगावाट), किमाथांका (४५४ मेगावाट) तथा चिलिमे सेती (७७ मेगावाट) लगायत रहेका थिए ।
यी आयोजनाहरूको समग्र जडित क्षमता जोड्दा १ हजार ४०० मेगावाटभन्दा बढी हुन आउँछ । प्रारम्भिक रूपमा करिब १ हजार मेगावाट हाराहारीका आयोजनाहरूको सम्झौता प्रक्रियालाई प्राथमिकताका साथ अगाडि बढाउने तयारी छ । सम्झौता सम्पन्न भएपछि सरकारी कम्पनीहरूलाई लगानी जुटाउन, भौतिक संरचना बनाउन र ऊर्जा उत्पादनको कामलाई गति दिन सहज हुने बताइएको छ । ती आयोजनाबाट निस्कने ऊर्जा प्राधिकरणले नै खरिद गर्नेछ ।