Trending
Prev Story
Next Story

असली कांग्रेस हामी नै हौं : निधि

Nagarik News •
November 20, 2026 • 10:01 AM
2
2 reads 0 reactions

विधान अनुसार पहिला वडा, त्यसपछि, जिल्ला, त्यसपछि प्रदेश र अन्तमा केन्द्रीय अधिवेशन हुनेमा आफूहरुले सोही अनुसार अधिवेशनहरु सम्पन्न भएको उनले बताए ।

असली कांग्रेस हामी नै हौं : निधि

नेपाली कांग्रेस शेर बहादुर देउवा समूहको मधेश प्रदेश अधिवेशन यही मंसिर १४ गत्ते जनकपुरधाममा हुने भएको छ ।

शुक्रबार जनकपुरधाममा पत्रकार सम्मेलन गर्दै नेता बिमलेन्द्र निधिले अधिवेशनबारे जानकारी दिएका हुन् । उनका अनुसार कानुनसम्मत र विधान सम्मत रही अहिलेसम्म अधिवेशनहरु भएका छन ।

विधान अनुसार पहिला वडा, त्यसपछि, जिल्ला, त्यसपछि प्रदेश र अन्तमा केन्द्रीय अधिवेशन हुनेमा आफूहरुले सोही अनुसार अधिवेशनहरु सम्पन्न भएको उनले बताए ।

नेता निधिले प्रदेश अधिवेशन अन्तर्गत भोलि ५ गते गण्डिकी प्रदेशको अधिवेशन हुँदैछ, त्यस्तै ७ गते लुम्बिनी प्रदेशको अधिवेशन हुनेछ, त्यस्तै १३ गते कर्णाली प्रदेशको अधिवेशन हुनेछ , १४ गते मधेश प्रदेशको अधिवेशन हुनेछ, १५ गते सुदुरपश्चिमको अधिवेशन हुनेछ, १७ गते कोशी प्रदेशको अधिवेशन हुनेछ र १९ गते बाग्मती प्रदेशको अधिवेशन हुनेछ ।

नेता निधिले यसअघि नेपाली कांग्रेसको गगन थापा पक्षले गरेको अधिवेशन ‘कथाकथित’ रहेको बताए । उनले सो अधिवेशनमा प्रदेश र जिल्लाको अधिवेशननै नगराई सोझै केन्द्रको अधिवेशन गरेकाले त्यस्तो अधिवेशनको कुनै औचित्य नरहेको बताए ।

निर्वाचन आयोगले गगन पक्षको अध्यावधिक पनि नमानेको नेता निधिले दाबी गरे । उनले आफूहरु कानुन र विधान सम्मत रहेको दाबी गर्दै आफूहरु नै असली कांग्रेसी रहेको बताए ।

नेता निधिले प्रदेश अधिवेशनको तयारी सम्बन्धी आजै आठवटै जिल्लाका पदाधिकारी महोत्तरीको वर्दिवासमा बैठक बस्न लागेको जानकारी दिए ।

त्यस्तै, नेता निधिले प्रधानमन्त्री बालेन्द्र शाहको भारत भ्रमणका लागि शुभकामना समेत व्यक्त गरेका छन् । उनले भारत भ्रमणकै क्रममा दुबै देशका प्रधानमन्त्रीले अयोध्या जनकपुर रेल सेवाको उद्घाटन गर्ने कार्यक्रमको प्रसंशा गरे । नेता निधिले रेल सेवासहित हवाई सेवा पनि सुचारु गर्नुपर्नेमा जोड दिए । उनले प्रधानमन्त्री शाहले सीमा सम्बन्धी विषय, आर्थिक क्षेत्रको विकासलगायतका विषयहरु सफलताका साथ उठाउनुपर्ने बताए ।

प्रकाशित: ४ मंसिर २०८३ १५:४६ शुक्रबार

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Onlinekhabar
4d ago
कांग्रेस देउवा समूहको प्रदेश अधिवेशन एक दिन पछि सर्‍यो

कांग्रेस देउवा समूहको प्रदेश अधिवेशन एक दिन पछि सर्‍यो

३० कात्तिक, काठमाडौं । नेपाली कांग्रेस शेरबहादुर देउवा समूहको प्रदेश अधिवेशन कार्यतालिका एक दिन प्रभावित भएको छ। मंसिर ४ गतेदेखि सुरु हुने भनिएको अधिवेशन हरिबोधनी एकादशीका कारण मंसिर ५ गतेदेखि सुरु हुने भएको हो। धार्मिक पर्वका …

#अधिवेशन #गते #कांग्रेस
Compare →
Hamro Patro News
3d ago
मङ्सिर १ गतेदेखि कांग्रेसको ‘हामी तयार छौँ’ अभियान

मङ्सिर १ गतेदेखि कांग्रेसको ‘हामी तयार छौँ’ अभियान

पोखरा। नेपाली कांग्रेसका महामन्त्री प्रदीप पौडेलले पार्टीको आत्मसमीक्षा, विचार, दस्तावेज र सशक्त प्रतिपक्षी भूमिकाको स्पष्ट खाकासहित आगामी मङ्सिर १ गतेदेखि ‘हामी तयार छौँ’ अभियान सुरु गर्न लागिएको...

#गते #कांग्रेस #हामी
Compare →
Ekantipur
1d ago
कांग्रेस देउवा समूहको नवलपरासी पश्चिम जिल्ला सभापतिमा गोपी पुन चयन

कांग्रेस देउवा समूहको नवलपरासी पश्चिम जिल्ला सभापतिमा गोपी पुन चयन

मंगलबार सम्पन्न जिल्ला अधिवेशनबाट पुन निर्विरोध निर्वाचित भएका हुन् । अधिवेशनले जिल्लाका दुवै संघीय निर्वाचन क्षेत्र र स्थानीय तहको नेतृत्व निर्विरोध चयन गरेको छ ।

#अधिवेशन #कांग्रेस
Compare →

Related Stories

Politics & Governance
Build #2612