देउखुरीमा मोटरसाइकल दुर्घटना हुँदा एक युवाको मृत्यु भएको छ । दुई जना घाइते भएका छन् ।
दाङ — देउखुरीमा मोटरसाइकल दुर्घटना हुँदा एक युवाको मृत्यु भएको छ । दुई जना घाइते भएका छन् ।
मृत्यु हुनेमा गढवा गाउँपालिका–६, रामपुरका १९ वर्षीय रोहित सुनार रहेको जिल्ला प्रहरी कार्यालय दाङले जानकारी दिएको छ ।
बिहीबार बिहान लमहीबाट गढवातर्फ जाँदै गरेको रा ५ प ८९२४ नम्बरको मोटरसाइकल राप्ती पुलमा ठोक्किएको थियो । दुर्घटनामा गम्भीर घाइते सुनारलाई उपचारका लागि सञ्जीवनी टिचिङ अस्पताल घोराही लगिएकोमा चिकित्सकले मृत घोषणा गरेका थिए ।
दुर्घटनामा मोटरसाइकलको पछाडि सवार गढवा–६ निवासी १८ वर्षीय राहुल थापा र १८ वर्षीय नवीन गुरुङ घाइते भएका छन् ।
दुर्गालाल केसी कान्तिपुरका दाङ संवाददाता हुन् ।