Trending
Prev Story
Next Story

व्यक्तिगत तलब खेलाडी उत्पादनमा

Nagarik News •
November 18, 2026 • 07:13 AM
3
3 reads 0 reactions

सरकार खेल र खेलाडीप्रति उदासीन बन्दै गइरहेका बेला दैलेखको ठाँटीकाँध–३ बहाकोटस्थित भवानी माध्यमिक विद्यालयका शिक्षक गणेश खनाल आफ्नै तलब खर्चेर भलिबलका खेलाडी उत्पादन गरिरहेका भेटिन्छन्।

व्यक्तिगत तलब खेलाडी उत्पादनमा

सरकार खेल र खेलाडीप्रति उदासीन बन्दै गइरहेका बेला दैलेखको ठाँटीकाँध–३ बहाकोटस्थित भवानी माध्यमिक विद्यालयका शिक्षक गणेश खनाल आफ्नै तलब खर्चेर भलिबलका खेलाडी उत्पादन गरिरहेका भेटिन्छन्। आफ्नो तलव भलिबल कोच एवं स्थानीयदेखि प्रदेशसम्म हुने खेलसम्ममा खेलाडीलाई सहयोग गर्ने गर्दछन्।

खेलकुदको विकास भाषण, योजना र सरकारी बजेटले मात्रै सम्भव हुँदैन। त्यसका लागि खेलप्रतिको गहिरो मोह, निरन्तर सक्रियता र केही गर्ने दृढ इच्छाशक्ति पनि चाहिन्छ। यस्तै इच्छाशक्ति र समर्पणका पर्याय बनेका छन् दैलेखका शिक्षक गणेश खनाल। जसले आफ्नो जीवनका दुई दशकभन्दा बढी समय भलिबल खेलको विकास र नयाँ प्रतिभा उत्पादनमा समर्पित गर्दै आए।

पेसाले शिक्षक भए पनि खनालको परिचय कक्षाकोठाभित्र मात्र सीमित छैन। विद्यालयमा विद्यार्थीलाई पढाउने जिम्मेवारी पूरा गरेपछि उनको अर्को कर्मथलो बन्छ खेलमैदान। गाउँबस्तीमा छरिएर रहेका भलिबलप्रेमी युवाको प्रतिभा पहिचान गर्ने, उनीहरूलाई खेलप्रति आकर्षित गर्ने र अनुशासित खेलाडीका रूपमा तयार पार्ने काममा उनी विगत २०–२१ वर्षदेखि निरन्तर खटिरहेका छन्।

उनका लागि भलिबल केवल मनोरञ्जन वा समय बिताउने माध्यम मात्र नभएर नयाँ पुस्ताको प्रतिभा उजागर गर्ने र गाउँको पहिचान स्थापित गर्ने खेल रहेको छ। यही सोचका साथ उनी वर्षाैंदेखि खेलाडीको खोजी, प्रशिक्षण र क्षमता अभिवृद्धिमा जुटिरहेका छन्।

वडा तथा पालिकास्तरमा सम्भावना बोकेका खेलाडीलाई प्रतिस्पर्धाको अवसर दिलाउँदै जिल्ला हुँदै प्रदेशस्तरसम्म पुर्‍याउने उनको प्रयास निरन्तर जारी छ। शिक्षक पेसा रोजेका खनाल आफैँ भलिबलका चर्चित खेलाडी हुन्। खेलाडी उत्पादन गर्न समय दिनु, उनीहरूको कमजोरी पहिचान गरी सुधारका लागि मेहनत गर्न‘ र प्रतियोगितासम्म पुग्ने वातावरण बनाउनु उनको नियमित कर्मजस्तै बनेको छ। विद्यालयको जिम्मेवारी, व्यक्तिगत जीवन र सामाजिक दायित्वबिच सन्तुलन मिलाउँदै उनले भलिबललाई आफ्नो जीवनको अभिन्न हिस्सा बनाएका कारण दैलेखमा उनको नाम भलिबल खेलाडीका रूपमा चर्चित छ।

खेल्ने इच्छा र क्षमता हुँदाहुँदै पनि आर्थिक अभावका कारण कुनै खेलाडी अवसरबाट वञ्चित नहोस् भन्ने उनको चाहना छ। यही कारण आवश्यक पर्दा आफ्नै तलब र व्यक्तिगत आम्दानी खर्चेर खेलाडीलाई खेलमैदानसम्म पुर्‍याउने गरेका छन्। खेलाडीको यातायात, व्यवस्थापन र प्रतियोगितामा सहभागिताका लागि आर्थिक समस्या देखिए उनी आफैं सहयोगका लागि अघि सर्छन्।

अरूका लागि आफ्नो आम्दानी बचत र व्यक्तिगत आवश्यकतामा खर्च गर्ने विषय प्राथमिक हुन्छ तर, खनालका लागि भने यो विषय आर्थिक अभावमा रहेका खेलाडी, उनीहरूको प्रगति र प्रतिस्पर्धामा सहभागी गराउने अवसर हुन्छ। आफूले खर्च गरेको रकमभन्दा खेलाडीले पाउने अवसरलाई ठूलो आम्दानीको रूपमा लिइरहेको शिक्षक खनाल बताउँछन्।

गाउँमा खेलाडी तयार गर्नेदेखि अवसरका लागि विभिन्न ठाउँमा हुने प्रतियोगितामा सहभागी गराउन सहयोग नपाउँदा आफ्नै खर्चमा सो कार्य गर्ने गरेको उनी बताउँछन्।

यस अवधिमा उनले कति समय खर्चिए, कति आर्थिक भार उठाए र कति व्यक्तिगत अवसर त्यागे भन्नेभन्दा पनि उनले स्थानीय खेलकुदमा जग बसाल्न गरेको प्रयास महत्त्वपूर्ण रहेको आठबिस नगरपालिकाका स्थानीय अगुवा गणेशबहादुर शाहीले बताए।

प्रकाशित: २ मंसिर २०८३ १२:५८ बुधबार

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
3h ago
प्रधानमन्त्रीको भारत भ्रमणमा कृषि र औद्योगिक उत्पादनको बजार पहुँच प्राथमिकतामा राख्नुपर्छ : सुमित केडिया

प्रधानमन्त्रीको भारत भ्रमणमा कृषि र औद्योगिक उत्पादनको बजार पहुँच प्राथमिकतामा राख्नुपर्छ : सुमित केडिया

काठमाडौं । आगामी आईतबार प्रधानमन्त्री बालेन शाह दुई दिनका लागि भारतको औपचारीक भ्रमणमा जाँदैछन् । त्यहाँ उनले भारतीय प्रधानमन्त्री नरेन्द्र मोदीसँग ३० मिनेट एक्लाएक्लै भेट्ने कार्यक्रम तय भइसकेको छ ...

#उत्पादन
Compare →
Ekantipur
5h ago
धान उत्पादनमा भारतको छलाङ, अब किन बन्दै छ समस्या?

धान उत्पादनमा भारतको छलाङ, अब किन बन्दै छ समस्या?

दशकौँदेखि दिइँदै आएको सरकारी अनुदान र कृषि प्रविधिमा भएको विकासले भारतलाई विश्वकै ठूलो चामल उत्पादक र निर्यातकर्तामध्ये एक बनाएको छ। तर बढ्दो उत्पादनले सरकारी खर्च, भण्डारण क्षमता र अन्तर्राष्ट्रिय बजारमा प्रतिस्पर्धासमेत चर्काएको छ।

#उत्पादन
Compare →
Onlinekhabar
1d ago
बाढीपहिरोको चपेटामा म्याग्दीका जलविद्युत् आयोजना, उत्पादनदेखि निर्माणसम्म प्रभावित

बाढीपहिरोको चपेटामा म्याग्दीका जलविद्युत् आयोजना, उत्पादनदेखि निर्माणसम्म प्रभावित

१ मंसिर, म्याग्दी । मनसुनजन्य विपद्ले म्याग्दीका जलविद्युत् आयोजनाको विद्युत् उत्पादन, प्रसारण र निर्माण कार्य प्रभावित बनाएको छ । कालीगण्डकी र म्याग्दी नदी तथा तिनका सहायक खोलामा आएको बाढीपहिरोले सञ्चालनमा रहेका र निर्माणाधीन आयोजनाका बाँध, विद्युत्गृह, …

#उत्पादन
Compare →
Bizshala
3d ago
नेपालको इँटा उद्योगमा ८ अर्बको महत्वाकांक्षी योजना, देशभर ३०० उत्पादन केन्द्र खोलिने

नेपालको इँटा उद्योगमा ८ अर्बको महत्वाकांक्षी योजना, देशभर ३०० उत्पादन केन्द्र खोलिने

काठमाण्डौ । नेपालको परम्परागत इँटा उद्योगमा ठूलो रूपान्तरण ल्याउने लक्ष्यसहित करिब ८ अर्ब रुपैयाँ लगानीको...

#उत्पादन
Compare →

Related Stories

Sports
Build #2612