Trending
Prev Story
Next Story

भीमफेदी दुर्घटनाका पीडित परिवार भेट्न सभामुख अर्याल सुन्दरपुरमा, राहतका लागि पहल गर्ने

Nagarik News •
November 16, 2026 • 09:27 AM
4
4 reads 0 reactions

प्रतिनिधिसभाका सभामुख डीपी अर्यालले मकवानपुरको भीमफेदी दुर्घटनामा आफन्त गुमाएका परिवारलाई राहत उपलब्ध गराउन संघ, प्रदेश र स्थानीय गरी तीनै तहका सरकारसँग पहल गर्ने प्रतिबद्धता व्यक्त गरेका छन्।

भीमफेदी दुर्घटनाका पीडित परिवार भेट्न सभामुख अर्याल सुन्दरपुरमा, राहतका लागि पहल गर्ने

प्रतिनिधिसभाका सभामुख डीपी अर्यालले मकवानपुरको भीमफेदी दुर्घटनामा आफन्त गुमाएका परिवारलाई राहत उपलब्ध गराउन संघ, प्रदेश र स्थानीय गरी तीनै तहका सरकारसँग पहल गर्ने प्रतिबद्धता व्यक्त गरेका छन्।

सोमबार सर्लाहीको चक्रघट्टा गाउँपालिका-४ सुन्दरपुर पुगेर पीडित परिवारसँग भेट गर्दै उनले यस्तो बताएका हुन्।

भेटमा सभामुख अर्यालले शोकसन्तप्त परिवारलाई धैर्यधारण गर्ने शक्ति मिलोस् भन्दै समवेदना व्यक्त गरे। उनले आगामी दिनमा यस्ता दुर्घटना दोहोरिन नदिन आवश्यक कदम चालिनेसमेत बताए।

सो अवसरमा पीडित परिवारका सदस्यहरूले दुर्घटनापछिको अवस्था, आफूहरूले भोग्नुपरेका समस्या तथा राहत र पुन:स्थापनाका विषयमा सभामुखसमक्ष आफ्ना कुरा राखेका थिए।

सभामुख अर्यालसँगै सर्लाही निर्वाचन क्षेत्र नम्बर-१ की प्रतिनिधिसभा सदस्य नितिमा कार्की, क्षेत्र नम्बर-२ का सांसद रविन महतो, क्षेत्र नम्बर-३ का सांसद नरेन्द्र साह कलवार र पर्साबाट निर्वाचित सांसद रहबर अन्सारी सुन्दरपुर पुगेका थिए। भ्रमणमा सर्लाहीका प्रमुख जिल्ला अधिकारी विजय राज सुवेदी पनि सहभागी थिए।

गत २६ कात्तिकमा छठ पर्व मनाउन काठमाडौंबाट सर्लाही आउँदै गरेको विद्युतीय माइक्रोबस मकवानपुरको भीमफेदी गाउँपालिका-६ स्थित चिसापानी गढीमा सडकबाट करिब ५०० मिटर तल खसेको थियो। दुर्घटनामा एउटै टोलका १३ जनासहित १४ जनाको मृत्यु भएको थियो भने ६ जना घाइते भएका थिए।

मृतकमध्ये १३ जना चक्रघट्टा गाउँपालिका-४ सुन्दरपुरकै स्थानीय थिए। एउटै टोलका धेरै जनाको एकैपटक मृत्यु भएपछि सुन्दरपुर अझै शोकमा डुबेको छ भने कैयौँ परिवारले आफ्ना सदस्य गुमाएका छन्।

कात्तिक २८ गते पर्सा र बारा जिल्लाको भ्रमण तथा छठ पर्व मनाउन मधेश आएका सभामुख अर्याल सोमबार सुन्दरपुर पुगेका हुन्। यसअघि आइतबार नेपाली कांग्रेसका सभापति गगन थापा पनि दुर्घटनामा ज्यान गुमाएका परिवारलाई भेट्न सुन्दरपुर पुगेका थिए।

प्रकाशित: ३० कार्तिक २०८३ १५:१२ सोमबार

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Onlinekhabar
2h ago
भीमफेदी दुर्घटनाका पीडित परिवार भेट्न सभामुख अर्याल सर्लाहीमा

भीमफेदी दुर्घटनाका पीडित परिवार भेट्न सभामुख अर्याल सर्लाहीमा

३० कात्तिक, सर्लाही । मकवानपुरको भीमफेदीमा भएको विद्युतीय माइक्रोबस दुर्घटनामा आफन्त गुमाएका परिवारलाई भेट्न प्रतिनिधिसभाका सभामुख डीपी अर्याल सोमबार सर्लाहीको चक्रघट्टा गाउँपालिका–४ सुन्दरपुर पुगेका छन् । सभामुख अर्यालले दुर्घटनामा ज्यान गुमाएका परिवारका सदस्यसँग भेट गरी समवेदना …

#दुर्घटना #सभामुख #अर्याल
Compare →
Hamro Patro News
19m ago
सभामुख अर्यालद्वारा भीमफेदी दुर्घटनाका पीडित परिवार र घाइतेसँग भेट

सभामुख अर्यालद्वारा भीमफेदी दुर्घटनाका पीडित परिवार र घाइतेसँग भेट

काठमाडौँ – सभामुख डोलप्रसाद (डीपी) अर्यालले भीमफेदी सवारी दुर्घटनामा ज्यान गुमाउनेका परिवार तथा आफन्त र घाइतेहरूसँग भेटघाट गर्नुभएको छ। उहाँले सोमबार सर्लाही पुगेर दुर्घटनाबाट प्रभावित परिवार तथा घ...

#दुर्घटना #सभामुख #भीमफेदी
Compare →
Ekantipur
1d ago
म निश्चित अवधिका लागि सभामुख भएको हुँ : अर्याल

म निश्चित अवधिका लागि सभामुख भएको हुँ : अर्याल

सभामुख डीपी अर्यालले भ्रष्टाचारमुक्त, सुशासित र सुरक्षित समाज निर्माण गर्दै नागरिकले दुःख पर्दा राज्य र सरकार आफ्नो साथमा रहेको अनुभूति गर्न सक्ने वातावरण बनाउनुपर्ने बताएका छन् ।

#सभामुख #अर्याल
Compare →
Arthasansar
2h ago
बझाङमा अटो दुर्घटना, तीन जनाको मृत्यु, एक बेपत्ता

बझाङमा अटो दुर्घटना, तीन जनाको मृत्यु, एक बेपत्ता

बझाङमा अटो दुर्घटना हुँदा तीन जनाको मृत्यु भएको छ भने एक जना बेपत्ता छन् । बुंगल नगरपालिका–१० को टुमेडामा बिहान...

#दुर्घटना
Compare →
Bizshala
23h ago
इरानमा बस दुर्घटना : कम्तीमा १० जनाको मृत्यु, १८ घाइते

इरानमा बस दुर्घटना : कम्तीमा १० जनाको मृत्यु, १८ घाइते

काठमाण्डौ । इरानको पश्चिमी प्रान्त इलाममा यात्रुवाहक बस दुर्घटना हुँदा कम्तीमा १० जनाको मृत्यु भएको छ भने १८ जना...

#दुर्घटना
Compare →

Related Stories

Politics & Governance
Build #2612