मुस्ताङ । नेपाल–चीन सीमा कोरला नाकाबाट चालु आर्थिक वर्षको पहिलो चार महिनामै ७ हजार विद्युतीय सवारीसाधन (इभी) नेपाल भित्रिएका छन्। गत आर्थिक वर्षभरि यही नाकाबाट ३ हजार २२३ वटा इभी आयात भएकामा यस वर्ष चार महिनामै त्यसको दोब्बरभन्दा बढी सवारीसाधन भित्रिएका हुन्।
मुस्ताङ भन्सार कार्यालयका अनुसार साउनमा १००, भदौमा १ हजार २५३ तथा असोज र कात्तिकमा ५ हजार ६४७ वटा इभी आयात भएका छन्। छोटो अवधिमै यति ठूलो संख्यामा विद्युतीय सवारीसाधन भित्रिएको यो पहिलो घटना भएको भन्सार कार्यालयले जनाएको छ।
स्रोतमा पूरा पढ्नुहोस् ( aarthiknews.com )