काठमाडौं। एनभिडियाका पूर्वप्रमुख कार्यकारी अधिकृत (सीईओ) जेन्सेन ह्वाङ अमेरिकी सिनेटको सार्वजनिक सुनुवाइमा बयान दिन सहमत भएका छन्। रिपब्लिकन सिनेटर टिम स्कटका एक सहयोगीले शुक्रबार यसबारे जानकारी दिएका हुन्।
चीनको जासुस भएको आरोप लागेकी एक महिलासँग ह्वाङको सम्बन्ध रहेको दाबीसहितका विषयमा अमेरिकी सांसदहरूले अनुसन्धान गरिरहेका बेला उनीमाथि चासो बढेको हो।
‘द न्युयोर्क टाइम्स’ले ह्वाङको ती महिलासँग प्रेम सम्बन्ध रहेको समाचार प्रकाशित गरेपछि चीनमा एनभिडियाका अत्याधुनिक कृत्रिम बौद्धिकता (एआई) चिप निर्यात गर्ने विषयलाई लिएर समेत प्रश्न उठेका छन्।
योजना अनुसार सुनुवाइ भएमा नोभेम्बर १२ मा एनभिडियाको प्रमुख कार्यकारी पद छाडेपछि ह्वाङले पहिलोपटक सार्वजनिक रूपमा बयान दिनेछन्।
अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।