रुवीभ्याली गाउँपालिकाको बोराङमा राति साढे एक बजे भएको दुर्घटनामा घाइतेमध्ये तीनजनाको अवस्था गम्भीर रहेको छ।
काठमाडौँ — उत्तरी धादिङको रुवीभ्याली गाउँपालिकास्थित बोराङमा गएराति बोलेरो गाडी दुर्घटना हुँदा एक जनाको मृत्यु भएको छ भने ७ जना घाइते भएका छन् । घाइतेमध्ये ३ जनाको अवस्था गम्भीर रहेको छ ।
बोराङको बतासे एकादशी जात्रा हेरेर फर्कँदै गरेको बोलेरो गाडी राति करिब साढे एक बजे दुर्घटनामा परेको वडाध्यक्ष प्रशान्त तामाङले जानकारी दिए । मृतकको सनाखत हुन बाँकी छ ।
घाइतेहरूको स्थानीय स्तरमा उपचार सम्भव नभएपछि थप उपचारका लागि हेलिकप्टरमार्फत काठमाडौं पठाउने तयारी भइरहेको घटनास्थलमा रहेका स्थानीय लालमान तामाङले बताए ।
पोषनाथ अधिकारी कान्तिपुर मिडिया ग्रुपका धादिङ संवाददाता हुन् ।