Trending
Prev Story
Next Story

राम्रो मूल्य र बजार मागले गुल्मीका किसान किवी खेतीतर्फ आकर्षित

Onlinekhabar •
November 20, 2026 • 03:30 AM
2
2 reads 0 reactions

४ मंसिर, गुल्मी । गुल्मीमा पछिल्लो समय किवी खेतीप्रति किसानको आकर्षण बढ्दै गएको छ । कम मेहनतमा लामो समयसम्म उत्पादन लिन सकिने र बजारमा राम्रो मूल्य पाउने भएपछि जिल्लाका किसान व्यावसायिक किवी खेतीतर्फ आकर्षित भएका …

राम्रो मूल्य र बजार मागले गुल्मीका किसान किवी खेतीतर्फ आकर्षित

४ मंसिर, गुल्मी । गुल्मीमा पछिल्लो समय किवी खेतीप्रति किसानको आकर्षण बढ्दै गएको छ । कम मेहनतमा लामो समयसम्म उत्पादन लिन सकिने र बजारमा राम्रो मूल्य पाउने भएपछि जिल्लाका किसान व्यावसायिक किवी खेतीतर्फ आकर्षित भएका हुन् ।

जिल्लाका विभिन्न स्थानमा किवी खेती विस्तार हुँदै जाँदा यसको व्यावसायिक सम्भावना पनि बढ्दै गएको छ । यस वर्ष किवी फूल्ने समयमा परेको असिनापानीका कारण उत्पादनमा भने गिरावट आउने अनुमान गरिएको छ ।

गुल्मीका किसानले पछिल्लो समय परम्परागत खेतीसँगै किवी खेतीलाई पनि आम्दानीको भरपर्दो स्रोतका रूपमा विकास गर्दै लगेका छन् । जिल्लामा हाल ७५ हेक्टर क्षेत्रफलमा किवी खेती भइरहेको छ ।

त्यसमध्ये ५८ हेक्टर क्षेत्रफलमा लगाइएका किवीका बिरुवाले उत्पादन दिन थालेका छन् । कृषि ज्ञान केन्द्र गुल्मीका अनुसार गत वर्ष जिल्लाभर चार सय ५४ मेट्रिक टन किवी उत्पादन भएको थियो ।

किवी खेतीबाट राम्रो आम्दानी हुन थालेपछि किसानले खेती विस्तारमा जोड दिएका छन् । किसानले उत्पादन गरेको किवी प्रतिकेजी दुई सय ५० देखि तीन सय रुपैयाँसम्म बिक्री गर्दै आएका छन् ।

बजारमा माग राम्रो हुनुका साथै उत्पादित किवी बिक्री गर्न खासै समस्या नभएपछि किसानको आकर्षण बढेको कृषक बिरबहादुर काकीले बताए ।

तम्घासमा १५ वर्षदेखि किवी खेती गदै आएका कार्कीले यसवर्ष असिना पानीका कारणले १ केजी पनि बिक्री गर्न नपाएको दुखेसो गरे ।

किसानका अनुसार किवी खेतीबाट अन्य परम्परागत बालीको तुलनामा राम्रो आम्दानी लिन सकिन्छ । एकपटक बिरुवा रोपेपछि लामो समयसम्म उत्पादन दिइरहने भएकाले पनि यस खेतीप्रति किसानको रुचि बढेको हो ।

सामान्य मलजल, गोडमेल र आवश्यक हेरचाह गरे पुग्ने भएकाले खेती व्यवस्थापन पनि सहज रहेको रेसुङ्गा ९ का कृषक चुराबहादुर गैरेले बताए । गुल्मीमा किवी खेतीको सुरुवात २०६४ सालदेखि भएको मानिन्छ ।

त्यसबेला भार्सेका किसानले संखुवासभाबाट किवीका बिरुवा ल्याएर रोपेका थिए । सुरुवाती चरणमा परीक्षणका रूपमा गरिएको खेतीले राम्रो उत्पादन र आम्दानी दिन थालेपछि विस्तारै जिल्लाका अन्य स्थानमा पनि किवी खेती फैलिँदै गएको हो ।

अहिले भार्से र म्यालपोखरी किवी खेतीका मुख्य क्षेत्रका रूपमा चिनिएका छन् । समुद्री सतहदेखि करिब एक हजार दुई सय मिटरभन्दा माथिको उचाइमा किवी खेती राम्रो हुने गर्दछ ।

गुल्मीका अधिकांश भू-भागको हावापानी र भौगोलिक अवस्था किवी खेतीका लागि उपयुक्त रहेकाले जिल्लामा यसको विस्तारको सम्भावना उच्च रहेको कृषि ज्ञान केन्द्रको भनाइ छ ।

कालीगण्डकी, चन्द्रकोट, सत्यवती, मुसिकोट र रेसुङ्गा नगरपालिकासहित जिल्लाका १२ वटै स्थानीय तहमा किवी खेती विस्तार गर्न सकिने सम्भावना रहेको कृषि ज्ञान केन्द्र, गुल्मीका प्रमुख विवेक पन्थले बताए ।

कृषि ज्ञान केन्द्र गुल्मीका अनुसार गत वर्ष जिल्लामा चार सय ५४ मेट्रिक टन किवी उत्पादन भएको थियो । उत्पादनशील ५८ हेक्टर क्षेत्रफलका आधारमा जिल्लाको उत्पादकत्व प्रतिहेक्टर १० दशमलव शून्य नौ मेट्रिक टन रहेको छ ।

गत वर्ष उत्पादित किवी बिक्रीबाट किसानले पाँच करोड ४५ लाख ४० हजार रुपैयाँ आम्दानी गरेका थिए । यसले किवी खेती गुल्मीका किसानका लागि राम्रो आम्दानीको सम्भावना बोकेको नगदेबालीका रूपमा स्थापित हुँदै गएको देखाउँछ ।

यस वर्ष किवी फूल्ने समयमा परेको असिनापानीले उत्पादनमा असर पुर्‍याएको छ । फूल लाग्ने र फलको प्रारम्भिक विकास हुने संवेदनशील समयमा परेको असिनाले फूल तथा फलमा क्षति पुर्‍याएपछि अघिल्लो वर्षको तुलनामा उत्पादन घट्ने अनुमान गरिएको छ ।

जलवायुजन्य जोखिमका कारण किसानले अपेक्षित उत्पादन लिन नसक्ने अवस्था देखिए पनि किवी खेतीप्रतिको आकर्षण भने घटेको छैन । जिल्लामा उत्पादन हुने किवीमध्ये करिब ३० देखि ३५ प्रतिशत मात्रै जिल्लाबाहिर निर्यात हुने गरेको कृषि ज्ञान केन्द्रले जनाएको छ ।

बाँकी किवी जिल्लाभित्रै खपत हुने गरेको छ । स्थानीय बजारमा बिक्री हुनुका साथै आफन्त तथा पाहुनालाई कोसेली र पाहुरका रूपमा समेत किवी पठाउने चलन बढेको छ । स्थानीयस्तरमै खपत हुने र बजारमा राम्रो मूल्य पाइने भएकाले किसानलाई उत्पादन बिक्रीका लागि ठूलो समस्या नरहेको कृषक चुराबहादुर गैरेले बताए ।

किवी खेतीको सम्भावना र किसानको आकर्षणलाई ध्यानमा राख्दै कृषि ज्ञान केन्द्र गुल्मीले समेत किवी प्रवर्द्धनसम्बन्धी कार्यक्रम सञ्चालन गर्दै आएको छ । खेती विस्तार, उत्पादन वृद्धि र किसानलाई व्यावसायिक खेतीतर्फ प्रोत्साहित गर्ने उद्देश्यले विभिन्न कार्यक्रम अघि बढाइएको केन्द्रले जनाएको छ ।

जिल्लाको भौगोलिक अवस्था र हावापानी अनुकूल रहेकाले किवी खेतीलाई थप विस्तार गर्न सकिने कृषि प्राविधिकहरूको भनाइ छ । एकपटक लगाएको बिरुवाले लामो समयसम्म उत्पादन दिने, बजारमा राम्रो मूल्य पाइने र सामान्य हेरचाहबाट खेती गर्न सकिने भएकाले गुल्मीमा किवी खेती किसानका लागि आकर्षक विकल्प बन्दै गएको छ ।

उचित प्राविधिक सहयोग, गुणस्तरीय बिरुवा, उत्पादनको उचित व्यवस्थापन र बजार प्रवर्द्धन गर्न सके किवी खेती गुल्मीको कृषि अर्थतन्त्रलाई थप मजबुत बनाउने सम्भावना बढाएको छ ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
5d ago
बाँदरको हैरानीले किसान अदुवाखेतीतर्फ आकर्षित

बाँदरको हैरानीले किसान अदुवाखेतीतर्फ आकर्षित

भोजपुरमा बाँदरको समस्याका कारण परम्परागत खाद्यबाली खेती गर्न कठिन भएपछि किसान अदुवाखेतीतर्फ आकर्षित हुन थालेका छन् । बाँदरले मकै, कोदोलगायतका बालीमा क्षति पुर्याउने समस्या बढ्दै गएपछि किसानले अदुवा...

#किसान #खेतीतर्फ #आकर्षित
Compare →
Ekantipur
2d ago
किवी उत्पादन आधै घटेपछि खोटाङका किसान चिन्तित

किवी उत्पादन आधै घटेपछि खोटाङका किसान चिन्तित

‘फूल फुल्ने बेला हावाले गर्दा यसपटक किवी उत्पादन धेरै नै घट्यो’ दोर्जी शेर्पा भन्छन्, ‘१२ हजार किलो उत्पादन हुनु पर्नेमा यो चोटी चार हजार किलो मात्र उत्पादन भयो ।’

#किवी #किसान
Compare →
Nagarik News
12h ago
उखुको मूल्य प्रतिक्विन्टल १ हजार २५ रुपैयाँ कायम गर्न किसानको अडान

उखुको मूल्य प्रतिक्विन्टल १ हजार २५ रुपैयाँ कायम गर्न किसानको अडान

उखुको मूल्य तय गर्नुअघि किसानको उत्पादन लागत, चिनीको बजार मूल्य तथा उद्योगीहरूको अवस्थाबारे जानकारी लिन सरकारले दुवै पक्षसँग परामर्श थालेको हो।

#किसान
Compare →
Bizshala
1d ago
किसानको धान किन्न सरकारले छुट्यायो साढे ६७ करोड, डेढ लाख क्विन्टल खरिद गर्ने तयारी

किसानको धान किन्न सरकारले छुट्यायो साढे ६७ करोड, डेढ लाख क्विन्टल खरिद गर्ने तयारी

काठमाण्डौ । सरकारी स्वामित्वको खाद्य व्यवस्था तथा व्यापार कम्पनी लिमिटेडले चालु आर्थिक वर्ष २०८३/८४ मा किसानबाट १...

#किसान
Compare →

Related Stories

Business & Economy
Build #2612