मंसिर १० गतेसम्म बैंकको सेयरधनी कायम भएका लगानीकर्ताले यस्तो हकप्रद सेयरमा आवेदन दिन पाउँछन् ।
काठमाडौँ — एनआईसी एसिया बैंकले जारी गर्न लागेको ५० प्रतिशत हकप्रद सेयरको लागि बुक क्लोज मिति सार्वजनिक गरेको छ ।
यसले मंसिर ११ गतेको लागि बुक क्लोज मिति घोषणा गरेको छ । मंसिर १० गतेसम्म बैंकको सेयरधनी कायम भएका लगानीकर्ताले यस्तो हकप्रद सेयरमा आवेदन दिन पाउँछन् ।
बैंकले २ बराबर १ अनुपातमा हकप्रद सेयर जारी गर्ने भएको हो । उदाहरणको लागि, यो अवधिसम्म दुई सय कित्ता सेयर हुनेले एक सय कित्ता सेयरको लागि आवेदन दिन पाउँने छन् ।
प्रतिकित्ता एक सय रूपैयाँको दरमा लगानीकर्ताले सेयरमा आवेदन दिन पाँउछन् । हाल बजारमा यसको सेयर ३ सय ४० रूपैयाँको दरमा कारोबार भइरहेको छ ।
पहिले नै सर्वसाधारणमा सेयर जारी (आईपीओ) गरिसकेका कम्पनीले थप पुँजी जुटाउन थप सेयर जारी गर्ने माध्यम नै हकप्रद सेयर निष्कासन हो ।