Trending
Prev Story
Next Story

आगामी चुनावहरू पपुलिस्ट र लोकतान्त्रिक शक्तिबिचको भीषण सङ्घर्ष हुनेछ: उपाध्यक्ष थापा

Nagarik News •
November 19, 2026 • 04:45 AM
2
2 reads 0 reactions

नेकपा (एमाले)का उपाध्यक्ष रामबहादुर थापा ‘बादल’ले विगतको निर्वाचन पपुलिस्ट तथा फासीवादी शक्तिहरू र लोकतान्त्रिक तथा राष्ट्रवादी शक्तिहरू बिचको भीषण सङ्घर्षका रूपमा रहेको बताएका छन्।

आगामी चुनावहरू पपुलिस्ट र लोकतान्त्रिक शक्तिबिचको भीषण सङ्घर्ष हुनेछ: उपाध्यक्ष थापा

नेकपा (एमाले)का उपाध्यक्ष रामबहादुर थापा ‘बादल’ले विगतको निर्वाचन पपुलिस्ट तथा फासीवादी शक्तिहरू र लोकतान्त्रिक तथा राष्ट्रवादी शक्तिहरू बिचको भीषण सङ्घर्षका रूपमा रहेको बताएका छन्।

पार्टीद्वारा काठमाडौंमा आयोजित दुई दिने राष्ट्रिय भेलालाई आज सम्बोधन गर्दै उनले बताएका हुन्। उपाध्यक्ष थापाले आउने चुनाव पनि यिनै दुई पक्षबीचको शक्ति सङ्घर्ष हुने निश्चित रहेको बताए।

'फासीवादी तथा पपुलिस्ट शक्तिहरूले आफ्नो एकाधिकार कायम राख्न चाहने र बाह्य शक्तिहरूले आफ्नो स्वार्थपूर्ति गर्न कठपुतलीहरूलाई विजयी बनाउनैपर्ने हुँदा आगामी निर्वाचनहरू सामान्य हुनेवाला छैनन्’, उनले भने।

'आफूलाई चिन, शत्रुलाई चिन, तिमी हजारौँ लडाइँ जित्न सक्छौ' चीनका महान रणनीतिज्ञ सुन जुको प्रसिद्ध कथनलाई आत्मसात गर्नुपर्ने धारणा राख्दै उपाध्यक्ष थापाले निर्वाचनमा विजय प्राप्त गर्न आन्तरिक एकतालाई सुदृढ गर्नुपर्नेमा जोड दिए।

गत वर्षको निर्वाचनमा भएका आन्तरिक कमजोरीको समेत चर्चा गर्दै उनले भने, 'सङ्घर्षमा नीति, नेतृत्व र जनता नै विजयका मुख्य आधार हुन्। विगतको निर्वाचनमा हामीले हाम्रो प्रमुख प्रतिद्वन्द्वीलाई चिन्न सकेनौँ। हामीले हाम्रा कमजोरीहरू बुझ्न सकेनौँ। हामीले मुख्य प्रतिद्वन्द्वीका विरुद्ध परस्पर सहकार्य गर्न सकेनौँ। हामीले आन्तरिक एकता कायम गर्न सकेनौँ। हामीले जनतासँग प्रत्यक्ष सम्बन्ध गाँस्न सकेनौँ।'

उपाध्यक्ष थापाले विजय प्राप्तिका लागि जनतासँग प्रत्यक्ष मितेरी गाँस्नुका साथै प्रतिद्वन्दीविरुद्ध सहकार्य र नेतृत्वको वरीपरि गोलबन्द हुनुपर्नेमा जोड दिए।

केन्द्रीय समितिले विगतको निर्वाचनबारे गम्भीर आत्मसमीक्षा गरेको र सही निष्कर्ष निकालेको उल्लेख गर्दै अब त्यसको दृढतापूर्वक कार्यान्वयन जरुरी रहेको उनले बताए। 'अहिले भूराजनीतिक शक्तिहरूबीच सङ्घर्ष तीव्र बन्दै गएको छ। लोकतान्त्रिक शक्तिहरू बिच सहकार्य बढ्दै गएको छ। जनतामा व्याप्त एल्गोरिदमको भ्रम क्रमशः हट्दै गएको छ। सरकारप्रति जनतामा आक्रोश चुलिँदै गएको छ। पछिल्ला घटनाक्रमहरूले संसदीय, सडक तथा कानुनी सङ्घर्षमा विजयको सङ्केत दिइरहेका छन्', उनले भने।

प्रकाशित: ३ मंसिर २०८३ १०:३० बिहीबार

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Onlinekhabar
46m ago
आगामी निर्वाचन सामान्य हुँदैन : एमाले उपाध्यक्ष बादल

आगामी निर्वाचन सामान्य हुँदैन : एमाले उपाध्यक्ष बादल

३ मंसिर, काठमाडौं । नेकपा एमालेका उपाध्यक्ष रामबहादुर थापा (बादल)ले आगामी निर्वाचन फासीवादी तथा पपुलिस्ट शक्तिहरू र लोकतान्त्रिक तथा राष्ट्रवादी शक्तिहरूबीचको भीषण संघर्ष हुने बताएका छन् । पार्टीले काठमाडौंमा आयोजना गरेको दुईदिने राष्ट्रिय भेलालाई आज सम्बोधन …

#उपाध्यक्ष
Compare →
Ekantipur
2h ago
एमाले राष्ट्रिय भेलामा आज ओली, भण्डारी र थापाले सम्बोधन गर्ने

एमाले राष्ट्रिय भेलामा आज ओली, भण्डारी र थापाले सम्बोधन गर्ने

आजको कार्यक्रममा पार्टी उपाध्यक्ष रामबहादुर थापा तथा पार्टीका वरिष्ठ नेता एवं पूर्वराष्ट्रपति विद्यादेवी भण्डारीले सम्बोधन गर्नेछन् ।

#थापा
Compare →
Hamro Patro News
2d ago
सरकार सनक र लहडका भरमा चलिरहेको छ : सभापति थापा

सरकार सनक र लहडका भरमा चलिरहेको छ : सभापति थापा

सिमरा । नेपाली कांग्रेसका सभापति गगनकुमार थापाले वर्तमान सरकार विधि र प्रक्रियाभन्दा बाहिर गएर मनोमानी ढंगले सञ्चालन भइरहेको आरोप लगाएका छन्। बाराको सिमरामा सोमबार आयोजित पार्टी प्रवेश तथा भेलालाई ...

#थापा
Compare →

Related Stories

Politics & Governance
Build #2612