Trending
Prev Story
Next Story

मिशराले एनपीएलको उच्च स्कोर बनाएपछि काठमान्डुलाई विशाल लक्ष्य

Ekantipur •
November 18, 2026 • 01:32 PM
1
1 reads 0 reactions

मिशराले अविजित १२० र रवि बोपाराले ५३ रन बनाएपछि चितवनले निर्धारित २० ओभरमा चार विकेट गुमाएर २०४ रन जोड्यो।

मिशराले एनपीएलको उच्च स्कोर बनाएपछि काठमान्डुलाई विशाल लक्ष्य

मिशराले अविजित १२० र रवि बोपाराले ५३ रन बनाएपछि चितवनले निर्धारित २० ओभरमा चार विकेट गुमाएर २०४ रन जोड्यो।

काठमाडौँ — कामिल मिशराको शतक बनाउनुका साथै कप्तान रवि बोपारासँग ठूलो साझेदारी गरेपछि चितवन राइनोजले नेपाल प्रिमियर लिग (एनपीएल) क्रिकेटको इलिमिनेटरमा बुधबार काठमान्डु गोर्खाजलाई २ सय ५ रनको विशाल लक्ष्य दिएको छ ।

मिशराले अविजित १ सय २० र बोपाराले ५३ रन बनाए । यी दुईले तेस्रो विकेटमा ९२ बलमा १ सय ५४ रनको साझेदारी गरेपछि टस जितेर पहिले ब्याटिङ रोजेको चितवनले त्रिवि अन्तर्राष्ट्रिय क्रिकेट रंगशाला, कीर्तिपुरमा निर्धारित २० ओभरमा ४ विकेट गुमाई २ सय ४ रन बनाएको हो ।

मिशरा १७ बलमा २७ रन बनाइरहेको अवस्थामा गणेश गौतमको बलमा विलियम बोसिस्टोले क्याच छाड्न पुगेका थिए, जुन काठमान्डुलाई निकै महँगो पर्‍यो । मिशराले ५३ बलमा शतक पूरा गरेका थिए । यस सिजनमा बनेको यो दोस्रो र एनपीएलको इतिहासमा बनेको यो पाँचौँ शतक हो । सबै विदेशी खेलाडीको नाममा छ ।

पोखराका युवराज सामराले कर्णाली याक्सविरुद्ध यसै प्रतियोगितामा ४८ बलमा १ सय २ रन बनाएका थिए । २०२४ मा पोखराका एन्ड्रेज हाउसले लुम्बिनी लायन्सविरुद्ध अविजित १ सय ४ रन, पोखराकै एडम रोसिङटनले गत वर्ष कर्णालीविरुद्ध अविजित १ सय ८ र गत वर्ष नै कर्णालीका मार्क वाटले लुम्बिनी लायन्सविरुद्ध अविजित १ सय १४ रन बनाएका थिए ।

मिशराले एनपीएल इतिहासकै व्यक्तिगत उच्च स्कोर पनि बनाएका हुन् । उनले ५९ बलको आफ्नो इनिङ्समा कुल ५ चौका र १० छक्का प्रहार गरे । सबै खाले टी–२० मा आफ्नो ५ सय खेल खेलिरहेका बोपाराले ४२ बल खेली ३ चौका र २ छक्का प्रहार गरे ।

काठमान्डुका कप्तान करण केसीले चौथो ओभरको लगातार बलमा देव खनाल र डेविड मलानलाई आउट गरेपछि यी दुईको साझेदारी जमेको थियो । देवले १५ बल खेली २ चौका र १ छक्का प्रहार गरी १७ रन बनाए भने मलान पहिलो बलमै आउट भए ।

राशिद खानले १८ औं ओभरमा रवि बोपारालाई बोल्ड गरी यो साझेदारी तोडेका थिए । बोपाराको स्थानमा आएका विवेक यादवले आफूले सामना गरेका पहिलो दुई बलमा चौका प्रहार गरे भने तेस्रो बलमा क्याच दिन पुगे । करणले ४ ओभरमा ३२ र राशिदले ३८ रन खर्चेर २–२ विकेट लिए ।

विनोद पाण्डे कान्तिपुरका खेलकुद ब्यूरो प्रमुख हुन् ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Onlinekhabar
32m ago
कमिल मिशाराको शतकमा चितवनले काठमान्डुलाई दियो २०५ रनको लक्ष्य

कमिल मिशाराको शतकमा चितवनले काठमान्डुलाई दियो २०५ रनको लक्ष्य

२ मंसिर, काठमाडौं । कमिल मिशाराको शतक र कप्तान रवि बोपाराको अर्धशतक मदतमा चितवन राइनोजले नेपाल प्रिमियर लिग (एनपीएल) को एलिमिनेटरमा काठमान्डु गोर्खाजलाई २०५ रनको लक्ष्य दिएको छ । कीर्तिपुरस्थित टीयू मैदानमा टस जितेर पहिले ब्याटिङ …

#एनपीएल #चितवन #काठमान्डु
Compare →
Arthasansar
2h ago
एनपीएल : एलिमिनेटर खेलमा काठमान्डुविरुद्ध टस जितेर ब्याटिङ गर्दै चितवन

एनपीएल : एलिमिनेटर खेलमा काठमान्डुविरुद्ध टस जितेर ब्याटिङ गर्दै चितवन

चितवन राइनोजले नेपाल प्रिमियर लिगक (एनपीएल)को आजको एलिमिनेटर खेलमा टस जितेको छ। चितवनले काठमान्डु गोर्खाजविरुद्ध टस जितेर ब्याटिङ गर्ने निर्णय...

#एनपीएल #चितवन #काठमान्डु
Compare →
Nagarik News
2h ago
करण केसीको लगातार दुई बलमा दोहोरो झट्का, काठमाडौंविरुद्ध चितवन राइनोज दबाबमा

करण केसीको लगातार दुई बलमा दोहोरो झट्का, काठमाडौंविरुद्ध चितवन राइनोज दबाबमा

नेपाल प्रिमियर लिग (एनपिएल) अन्तर्गत एलिमिनेटर खेलमा काठमाडौंविरुद्ध टस जितेर पहिले ब्याटिङ रोजेको चितवन राइनोजले पावरप्लेमा २ विकेट गुमाउँदै सुस्त र संघर्षपूर्ण सुरुवात गरेको छ।

#एनपीएल #चितवन #विकेट
Compare →
Hamro Patro News
9h ago
एनपीएल एलिमिनेटर : चितवन र काठमाडौंको परीक्षा, उपाधि होडबाट को बाहिरिएला ?

एनपीएल एलिमिनेटर : चितवन र काठमाडौंको परीक्षा, उपाधि होडबाट को बाहिरिएला ?

काठमाडौं । नेपाल प्रिमियर लिग (एनपीएल) को तेस्रो संस्करणमा आफ्नो उपाधि होडलाई जीवित राख्न आज चितवन राइनोज र काठमाडौं गोर्खाजबीच निर्णायक भिडन्त हुँदैछ । कीर्तिपुरस्थित त्रिवि अन्तर्राष्ट्रिय क्रिके...

#एनपीएल #चितवन
Compare →

Related Stories

Sports
Build #2612