Trending
Prev Story
Next Story

‘बालेनले रविलाई पनि थुन्न सक्छन्’

Nagarik News •
November 18, 2026 • 12:30 PM
2
2 reads 0 reactions

‘सरकार अहिले भारतसँग लम्पसार परेको छ। कुनै पनि बेला बालेनले रविलाई थुनेमा आश्चर्य नमाने हुन्छ,’ पुनले भने, ‘कुनै बेला रविले प्रधानमन्त्री हटाएमा पनि आश्चर्य हुनेछैन।’

‘बालेनले रविलाई पनि थुन्न सक्छन्’

नेपाली कम्युनिस्ट पार्टी (नेकपा) का संगठन विभाग प्रमुख वर्षमान पुनले सत्तारुढ राष्ट्रिय स्वतन्त्र पार्टी (रास्वपा) आन्तरिक शक्ति संघर्ष र कलहको उत्कर्षमा पुगेको टिप्पणी गरेका छन्।

नेकपाको राष्ट्रिय जागरण अभियानअन्तर्गत दैलेखमा नेता तथा कार्यकर्तालाई प्रशिक्षण दिँदै पुनले रास्वपाभित्र सभापति रवि लामिछाने र प्रधानमन्त्री वालेन्द्र शाह (बालेन) बीच शक्ति संघर्ष चलिरहेको दाबी गरे। उनीहरूबीच राज्यका निकायलाई आफ्नो प्रभावमा पार्ने होडबाजीका कारण सरकारी संयन्त्र विभाजित र कमजोर बनेको उनको आरोप छ।

पुनले रास्वपाभित्रको विवाद कुनै पनि बेला टकरावमा परिणत हुन सक्ने बताए। पार्टी सभापति लामिछाने र प्रधानमन्त्री शाहबीचको शक्ति संघर्षले यस्तो अवस्था सिर्जना गरेको भन्दै उनले बालेनले रविलाई थुन्ने वा रविले प्रधानमन्त्रीलाई पदबाट हटाउने परिस्थिति आउन सक्ने दाबी गरे।

‘सरकार अहिले भारतसँग लम्पसार परेको छ। कुनै पनि बेला बालेनले रविलाई थुनेमा आश्चर्य नमाने हुन्छ,’ पुनले भने, ‘कुनै बेला रविले प्रधानमन्त्री हटाएमा पनि आश्चर्य हुनेछैन।’

पूर्वअर्थमन्त्रीसमेत रहेका पुनले वर्तमान सरकारको कार्यदिशा संविधान र राजनीतिक व्यवस्था खारेज गर्ने तथा प्रतिक्रान्तितर्फ अघि बढ्ने रहेको आरोप लगाए। यस्तो प्रवृत्तिलाई रोक्न, राष्ट्रिय स्वाधीनता जोगाउन र लोकतान्त्रिक व्यवस्था बलियो बनाउन वामपन्थी शक्तिबीच एकता तथा संविधान स्वीकार गर्ने दलबीच सहकार्य आवश्यक रहेको उनको भनाइ छ।

उनले नेकपा र नेकपा एमालेबीच पनि सहकार्य हुनुपर्नेमा जोड दिए। देशको स्वाधीनता, लोकतन्त्र र राष्ट्रिय हितविरुद्ध हुने वैदेशिक चलखेल रोक्न संविधान पक्षधर शक्तिहरू एकजुट हुनुपर्ने उनले बताए।

‘वामपन्थीहरूबीच सहकार्य र ध्रुवीकरण गर्ने र संविधान मान्नेहरूका बीचको सहकार्य पनि आवश्यक छ। एमालेसँग सहकार्य गर्नैपर्छ,’ पुनले भने, ‘देशको स्वाधीनता र लोकतन्त्र तथा नेपालमा वैदेशिक चलखेल बढाउने शक्तिविरुद्ध एक भएर लड्नै पर्नेछ।’

पुनले पछिल्लो समय एमालेका नेताहरू पनि सहकार्य र एकताका लागि हतारिएको दाबी गरे। विभिन्न भेटघाटमा एमाले नेताहरूले त्यसको संकेत दिने गरेको उल्लेख गर्दै उनले वामपन्थी दलबीच सहकार्य र राजनीतिक ध्रुवीकरणको आवश्यकता औंल्याए।

प्रकाशित: २ मंसिर २०८३ १८:१५ बुधबार

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Bizshala
1h ago
प्रधानमन्त्री बालेनका प्रमुख सल्लाहकारविरुद्ध प्रहरीमा उजुरी, डिजिटल प्रमाण नष्ट गरी अनुसन्धान प्रभावित पारेको आरोप

प्रधानमन्त्री बालेनका प्रमुख सल्लाहकारविरुद्ध प्रहरीमा उजुरी, डिजिटल प्रमाण नष्ट गरी अनुसन्धान प्रभावित पारेको आरोप

काठमाण्डौ । प्रधानमन्त्री बालेन्द्र शाह (बालेन) का प्रमुख राजनीतिक सल्लाहकार तथा रणनीतिकार कुमार ब्यञ्जनकार ‘कुमार...

#बालेन-शाह #बालेन
Compare →
Hamro Patro News
5h ago
भारतीय राजदूतले प्रधानमन्त्री बालेनलाई भेटेर गरे ब्रिफिङ- मोदीसँगको भेटवार्ता ऐतिहासिक बनाउने तयारी गरेका छौँ

भारतीय राजदूतले प्रधानमन्त्री बालेनलाई भेटेर गरे ब्रिफिङ- मोदीसँगको भेटवार्ता ऐतिहासिक बनाउने तयारी गरेका छौँ

भारतीय राजदूतले प्रधानमन्त्री बालेनलाई भेटेर गरे ब्रिफिङ- मोदीसँगको भेटवार्ता ऐतिहासिक बनाउने तयारी गरेका छौँ काठमाडौँ । प्रधानमन्त्री वालेन्द्र शाह (बालेन) को आसन्न भारत भ्रमणका एजेन्डा तय भएसँगै...

#बालेन-शाह #बालेन
Compare →
Onlinekhabar
6h ago
प्रधानमन्त्री बालेनसँग भारतीय राजदूत दलेलाको भेट, भारत भ्रमणबारे छलफल

प्रधानमन्त्री बालेनसँग भारतीय राजदूत दलेलाको भेट, भारत भ्रमणबारे छलफल

२ मंसिर, काठमाडौं । प्रधानमन्त्री वालेन्द्र शाह (बालेन)सँग नेपालका लागि नवनियुक्त भारतीय राजदूत सुधाकर दलेलाले शिष्टाचार भेटवार्ता गरेका छन् । सिंहदरबारस्थित प्रधानमन्त्री तथा मन्त्रिपरिषद्को कार्यालयमा आज भएको भेटमा आसन्न भारत भ्रमणबारे समेत कुराकानी भएको थियो । प्रधानमन्त्री …

#बालेन-शाह #बालेन
Compare →
Arthasansar
3d ago
प्रधानमन्त्री बालेनको मैथिलीमा सन्देश : छैठके बहुत रास शुभकामना !

प्रधानमन्त्री बालेनको मैथिलीमा सन्देश : छैठके बहुत रास शुभकामना !

प्रधानमन्त्री बालेन शाहले छठ पर्वले हामी सबैमा सकारात्मक ऊर्जा भर्दै देशमा सुशासन, सामाजिक न्याय र समृद्धिको संकल्प पूरा गर्ने प्रेरणा...

#बालेन-शाह #बालेन
Compare →

Related Stories

Politics & Governance
Build #2612