Trending
Prev Story
Next Story

प्रधानमन्त्रीले सभापतिलाई थुने वा सभापतिले टेकओभर गरी प्रधानमन्त्री भए आश्चर्य मान्नु पर्दैन : पुन

Ekantipur •
November 18, 2026 • 12:32 PM
9
9 reads 0 reactions

प्रधानमन्त्री वालेन्द्र शाह र रास्वपा सभापति रवि लामिछानेबीचको शक्ति संघर्ष अदालत, प्रहरी, मिडिया र राजनीतिक दलमा कसलाई के गर्ने भन्ने तहसम्म पुगेको नेकपा सांसद तथा पूर्वमन्त्री वर्षमान पुनले दाबी गरेका छन् ।

प्रधानमन्त्रीले सभापतिलाई थुने वा सभापतिले टेकओभर गरी प्रधानमन्त्री भए आश्चर्य मान्नु पर्दैन : पुन

प्रधानमन्त्री वालेन्द्र शाह र रास्वपा सभापति रवि लामिछानेबीचको शक्ति संघर्ष अदालत, प्रहरी, मिडिया र राजनीतिक दलमा कसलाई के गर्ने भन्ने तहसम्म पुगेको नेकपा सांसद तथा पूर्वमन्त्री वर्षमान पुनले दाबी गरेका छन् ।

काठमाडौँ — सत्तारुढ रास्वपाका सभापति रवि लामिछाने र प्रधानमन्त्री वालेन्द्र शाहबीचको विवाद चर्किँदै गएको विपक्षी नेकपाका सांसद तथा पूर्वमन्त्री वर्षमान पुनले बताएका छन् । सरकार प्रमुख र सत्तारुढ दल प्रमुखबीचको विवादले मुलुक अस्थिरतामा जाने अवस्थामा पुगेको पनि पुनको भनाइ थियो ।

नेकपाका संगठन विभाग प्रमुख समेत रहेका पुनले पार्टीको 'राष्ट्रिय जागरण अभियान'का क्रममा दैलेखमा आयोजित कार्यक्रममा सरकारको सम्बन्धमा उक्त दाबी गरेका हुन् । प्रधानमन्त्री शाह र सभापति लामिछानेबीचको शक्ति संघर्षले राज्यका निकाय कमजोर बनिरहेको पनि उनले बताए । 'अहिले उनीहरूको संघर्ष एकपछि अर्को बढिराखेको छ । कुनै पनि बेला पार्टी फुट्यो भने आश्चर्य मान्नु पर्दैन, कुनै पनि बेला प्रधानमन्त्रीले सभापति रविलाई थुने भने आश्चर्य मान्नु पर्दैन, कुनै बेला प्रधानमन्त्रीलाई सभापतिले टेकओभर गरेर आफू प्रधानमन्त्री भएपनि आश्चर्य मान्नु पर्दैन । यस्ता खालका चलखेल भइरहेका छन्,' पुनले भने ।

शाह र लामिछानेबीचको शक्ति संघर्षले एकअर्काका पक्षमा लाग्नेमाथि कारबाही भइरहेको पनि पुनको दाबी थियो । 'अहिले देखिराख्नुभएको छ कि रास्वपामा संघर्ष छ, प्रधानमन्त्री र सभापतिबीचमा । त्यो संघर्ष कहाँ पुग्यो भन्दा अदालतमा पुगेको छ, प्रहरीमा गएर आईजीपी फेर्नेमा, मिडियामा कसलाई पकड्ने र कसलाई थुन्नेमा, दलहरूमा पनि सभापति नजिक भयो भने थुनिदिने, पक्राउ गरिदिने, तर्साउनेमा पुगेको छ । प्रधानमन्त्री नजिक भयो भने छोडिदिने भएको छ । यो निरंकुशता बढेर गइराखेको छ,' पुनले भने ।

स्थिरताका लागि जनताले रास्वपालाई प्रतिनिधिसभा निर्वाचनमा झन्डै दुई तिहाइ मत दिएको तर दुई नेताबीचको शक्ति संघर्षले समस्या ल्याएको पुनको भनाइ थियो । 'स्थिरताका कुरा गरेको होइन ? पाँच वर्षका लागि जनताले स्थिरताका लागि दिएको हो, किन अस्थिर बनाउन लागेको यो प्रश्न गर्नुपर्ला नि । खै स्थिरता भनेर,' पुनले भने, 'एउटै पार्टीको बहुमत पाएर पनि खै त स्थायित्व ? नीतिगत अस्थिरता, संरचनागत अस्थिरता, झन-झन अनिश्चयतिर देश गइरहेको छ ।'

मुलुकमा भूराजनीतिक द्वन्द्व बढ्दै गएको पनि पुनको भनाइ थियो । प्रधानमन्त्रीले आन्तरिक द्वन्द्व व्यवस्थापन गर्नका लागि मुलुकलाई झन् अस्थिरतामा लैजाने कदम चाल्ने आशंका रहेको पनि उनले बताए ।

सरकारले राज्य प्रणालीलाई कमजोर पारिरहेको पनि पुनको भनाइ थियो । सरकारका निकायले स्वेच्छाचारी ढंगले काम गरिरहने क्रम बढिरहेको उनले बताए । 'हिजो हामी जवाफ दिने ठाउँमा थियौं, आजका नयाँ भन्नेहरू प्रश्न गर्ने ठाउँमा थिए । आज त उनीहरू जवाफ दिने ठाउँमा पुगिसके,' पुनले भने, 'सबै प्रणाली भत्किँदै गएका छन् अनि सिस्टमले काम गरेन, खै त सिस्टम ? अख्तियारका मान्छेलाई प्रधानमन्त्रीको सल्लाहकारले थुनेर लान्छ र फलानालाई मुद्दा लगाउ भन्छ । जबकी स्वतन्त्र निकाय हो । संवैधानिक निकाय हो, जहाँ कार्यकारी प्रधानमन्त्रीलाई पनि आवश्यक पर्दा पक्राउ गरेर छानबिन गर्ने अख्तियार हो । अख्तियारलाई प्रधानमन्त्री पनि होइन पीएले ल्याएर फलानो-फलानोलाई थुन भन्छ अनि कहाँ रह्यो ?'

संवैधानिक अंग र प्रहरी प्रशासनमाथि कार्यकारीको हस्तक्षेप हुने गरेको पुनले बताए । प्रहरी प्रशासनले स्वतन्त्र रूपमा आफ्नो काम गर्न नसकेको पनि उनको भनाइ छ ।

पुनले वामपन्थीहरूबीच सहकार्य र ध्रुवीकरण गर्ने र संविधान मान्नेहरूका बीचको सहकार्य आवश्यक रहेको बताए । एमालेसँग नेकपाले सहकार्य गर्नुपर्ने पनि उनको भनाइ थियो ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Onlinekhabar
6h ago
वर्षमानको दाबी- रास्वपा फुट्यो र बालेनले रवि थुने वा रवि प्रधानमन्त्री बने आश्चर्य मान्नुपर्दैन

वर्षमानको दाबी- रास्वपा फुट्यो र बालेनले रवि थुने वा रवि प्रधानमन्त्री बने आश्चर्य मान्नुपर्दैन

३ मंसिर, काठमाडौं । नेपाली कम्युनिस्ट पार्टीका नेता वर्षमान पुनले सत्तारुढ दल रास्वपाभित्रको अन्तरसंघर्ष एक पछि अर्को गरी बढिराखेको बताएका छन् । उनका अनुसार कुनै पनि बेला रास्वपा फुट्यो, प्रधानमन्त्री वालेन्द्र शाह (बालेन) ले पार्टी सभापति …

#रास्वपा #थुने #आश्चर्य
Compare →
Hamro Patro News
2d ago
वालेन्द्र, रवि र दुई सांसदसँगै देखिएका चुनावका तस्बिर पोष्ट गर्नेलाई नगद पुरस्कार दिने घोषणा

वालेन्द्र, रवि र दुई सांसदसँगै देखिएका चुनावका तस्बिर पोष्ट गर्नेलाई नगद पुरस्कार दिने घोषणा

काठमाडौं– राष्ट्रिय स्वतन्त्र पार्टी (रास्वपा) का सांसद पारसमणि गेलालको सचिवालयले निर्वाचनका क्रममा प्रधानमन्त्री वालेन्द्र शाह, रास्वपा सभापति रवि लामिछाने तथा सांसद गेलाल र सूर्य लामा सँगै देखिएक...

#रवि-लामिछाने #वालेन्द्र #रास्वपा
Compare →
Nagarik News
1d ago
एमाले पुनः सरकारमा फर्किने ओलीको दाबी

एमाले पुनः सरकारमा फर्किने ओलीको दाबी

नेकपा एमालेका अध्यक्ष केपी ओलीले एमाले पुनः सरकारमा फर्किने दाबी गरेका छन्।

#पुन #नेकपा
Compare →
Arthasansar
1d ago
सबैले कान खोलेर सुने हुन्छ, एमाले फेरि सत्तामा पुग्छ - केपी ओली

सबैले कान खोलेर सुने हुन्छ, एमाले फेरि सत्तामा पुग्छ - केपी ओली

नेकपा एमालेका अध्यक्ष केपी शर्मा ओलीले आफ्नो पार्टीले पुनः सरकारको नेतृत्व गर्ने दाबी गरेका छन् । काठमाडौंमा आजबाट सुरु भएको...

#पुन #नेकपा
Compare →
Bizshala
1d ago
एनभिडियाले भन्यो– जेनसन हुआङलाई पुनः सीईओ बनाउने योजना छैन

एनभिडियाले भन्यो– जेनसन हुआङलाई पुनः सीईओ बनाउने योजना छैन

काठमाडौं । अमेरिकी प्रविधि कम्पनी एनभिडियाले जेनसन हुआङलाई पुनः प्रमुख कार्यकारी अधिकृत (सीईओ) नियुक्त गर्ने कुनै...

#पुन
Compare →

Related Stories

Politics & Governance
Build #2612