काठमाडौं । अमेरिकी प्रविधि कम्पनी एनभिडियाले जेनसन हुआङलाई पुनः प्रमुख कार्यकारी अधिकृत (सीईओ) नियुक्त गर्ने कुनै योजना नरहेको स्पष्ट पारेको छ।
सन्दिग्ध चिनियाँ जासुससँगको कथित सम्बन्धलगायतका खबर सार्वजनिक भएपछि हुआङले पदबाट राजीनामा दिएका थिए।
कम्पनीका अध्यक्ष हार्वी जोन्सले मंगलबार सञ्चालक समितिको उनलाई पुनः नियुक्त गर्ने कुनै मनसाय नरहेको बताएका हुन्।
यसअघि मंगलबार हुआङले आफूलाई एनभिडियाको नेतृत्वमा फर्कन आग्रह गरिएमा त्यो आफ्ना लागि ‘सम्मानको कुरा’ हुने बताएका थिए।
हुआङले पद छाडेपछि सार्वजनिक भएको कम्पनीको पहिलो वित्तीय नतिजाअनुसार एनभिडियाको त्रैमासिक बिक्री अघिल्लो वर्षको सोही अवधिको तुलनामा दोब्बर हुँदै ११५ अर्ब ८० करोड अमेरिकी डलर पुगेको छ। कम्पनीको त्रैमासिक बिक्री पहिलोपटक १०० अर्ब डलर नाघेको हो।
अक्टोबर २५ मा समाप्त भएको त्रैमासिक अवधिमा कम्पनीको नाफासमेत दोब्बर भएर ६५ अर्ब अमेरिकी डलर पुगेको छ। वित्तीय नतिजा सार्वजनिक भएपछि नियमित कारोबार बन्दपछिको कारोबारमा कम्पनीको सेयर मूल्य ४.८ प्रतिशतले बढेको थियो।
अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।