Trending
Prev Story
Next Story

जुम, आइकिया र सीएनएनजस्ता चर्चित वेबसाइटमा मालवेयर आक्रमण

Nagarik News •
November 18, 2026 • 08:28 AM
2
2 reads 0 reactions

विश्वका चर्चित प्रविधि, बैंकिङ तथा सञ्चार कम्पनीका वेबसाइट साइबर आक्रमणको निशानामा परेका छन्।

जुम, आइकिया र सीएनएनजस्ता चर्चित वेबसाइटमा मालवेयर आक्रमण

विश्वका चर्चित प्रविधि, बैंकिङ तथा सञ्चार कम्पनीका वेबसाइट साइबर आक्रमणको निशानामा परेका छन्।

जुम, आइकिया, सीएनएन, एचएसबीसी, इक्विफ्याक्स र सेल्सफोर्सजस्ता चर्चित संस्थाका वेबसाइटमा मालिसियस जाभास्क्रिप्ट कोड राखेर प्रयोगकर्ताको क्रिप्टोकरेन्सी तथा व्यक्तिगत विवरण चोरी गर्ने प्रयास भएको साइबर सुरक्षा अनुसन्धानकर्ताले बताएका छन्।

रोयटर्सका अनुसार साइबर सुरक्षा अनुसन्धानकर्ता स्कट हेल्मेले १७८ संस्थाका वेबसाइटमा यस्तो दुर्भावनापूर्ण कोड प्रयोग भएको जानकारी दिएका छन्।

वेबसाइट अनुकूलन तथा परीक्षणका लागि प्रयोग हुने प्लेटफर्म अप्टिमाइजलीमार्फत ती वेबसाइटमा मालवेयरयुक्त जाभास्क्रिप्ट कोड प्रवेश गराइएको पाइएको हो।

अप्टिमाइजलीले पनि आफ्नो प्रणालीमा सुरक्षा कमजोरीको फाइदा उठाएर अनधिकृत पक्षले केही ग्राहकका परियोजनामा दुर्भावनापूर्ण कोड राखेको पुष्टि गरेको छ।

अनुसन्धानकर्ता हेल्मेका अनुसार उक्त कोडले प्रयोगकर्ताले क्रिप्टोकरेन्सी भुक्तानी गर्दा वास्तविक प्राप्तकर्ताको वालेट ठेगानालाई आक्रमणकारीको वालेट ठेगानाले प्रतिस्थापन गर्ने प्रयास गरेको थियो।

त्यस्तै, भुक्तानी कार्डको विवरण संकलन गर्ने, ब्राउजरका कुकी चोरी गर्ने, प्रयोगकर्ताको स्क्रिनसट लिने र एप्पलका आईओएस उपकरणलाई लक्षित गरी आक्रमण गर्ने कोडसमेत प्रयोग गरिएको थियो।

अप्टिमाइजलीले सुरक्षा कमजोरी समाधान गरिसकेको, प्रभावित परियोजनाबाट दुर्भावनापूर्ण कोड हटाएको र प्रभावित प्रयोगकर्ताका खाता सुरक्षित बनाउन आवश्यक कदम चालेको जनाएको छ।

सेल्सफोर्स, आइकिया र इक्विफ्याक्सले घटनाबारे अनुसन्धान गरिरहेको बताएका छन्। सेल्सफोर्सले अप्टिमाइजलीका स्क्रिप्ट निष्क्रिय पारेको जनाएको छ।

इक्विफ्याक्सले समस्याग्रस्त प्रणालीको प्रयोग बन्द गरेको र आफ्ना प्रणालीमा कुनै क्षति पुगेको प्रमाण नभेटिएको बताएको छ।

एचएसबीसीले भने आफ्ना वेबसाइटमा अनधिकृत स्क्रिप्ट सक्रिय नरहेको जनाएको छ। एप्पल, जुम र सीएनएनले यसबारे रोयटर्सको टिप्पणी मागमा प्रतिक्रिया दिएका छैनन्।

यसैबीच, पछिल्लो समय विश्वभर साइबर आक्रमण र प्रविधि प्रणालीमा समस्या देखिने क्रम बढेको छ। ब्लकचेन अनुसन्धान संस्था चेनालाइसिसका अनुसार सन् २०२१ यता क्रिप्टोकरेन्सीसम्बन्धी ह्याकिङबाट २२ अर्ब ३० करोड डलरभन्दा बढी रकम चोरी भइसकेको छ।

गत महिना विश्वकै ठूलो क्रिप्टोकरेन्सी एक्सचेन्ज बाइनान्ससँग सम्बन्धित साइबर आक्रमणमा ६ अर्ब ३० करोड डलर चोरी भएको रोयटर्सले जनाएको छ।

नोभेम्बर महिनामा माइक्रोसफ्टका विभिन्न सेवामा अवरोध, अमेरिकी संघीय उड्डयन प्रशासनको उडान रोक्ने निर्णय र युनाइटेड एयरलाइन्सको प्रणालीमा समस्या देखिएको थियो।

त्यस्तै, जेपी मोर्गन, चेज, यूएस बैंक र वेल्स फार्गोजस्ता ठूला बैंकका केही ग्राहकले पनि अनलाइन खातामा पहुँच पाउन समस्या भोगेका थिए।

प्रकाशित: २ मंसिर २०८३ १४:१३ बुधबार

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
1d ago
बीबीसी र सीएनएनसहित १७८ ठूला वेबसाइटमा भीषण साइबर आक्रमण

बीबीसी र सीएनएनसहित १७८ ठूला वेबसाइटमा भीषण साइबर आक्रमण

काठमाडौं । विश्वका चर्चित सञ्चारमाध्यम तथा ठूला कम्पनीका वेबसाइटलाई लक्षित गर्दै ठूलो साइबर सुरक्षा हमला भएको छ। बीबीसी, सीएनएन, जुम, एचएसबीसी, इक्विफ्याक्स, सेल्सफोर्स र आइकियासहित १७८ संस्थाका वे...

#वेबसाइट #साइबर #आक्रमण
Compare →
Ekantipur
1w ago
सुपरमार्केट फ्रिजहरूमा इरानले साइबर आक्रमण गरेको फ्रान्सको आरोप

सुपरमार्केट फ्रिजहरूमा इरानले साइबर आक्रमण गरेको फ्रान्सको आरोप

आक्रमणकारीहरूले साइबर आकरमणमार्फत रेफ्रिजरेटरको तापक्रम अत्यधिक बढाउँदा कम्तीमा १५ ठाउँमा आगलागी भएको थियो भने करोडौँ युरो बराबरको मासु, आइसक्रिम र खाद्यसामग्री नष्ट भएका थिए

#साइबर #आक्रमण
Compare →
Bizshala
7h ago
ट्याङ्करमाथि आक्रमण र अमेरिकी भण्डार घट्ने अनुमानले बढ्यो तेलको मूल्य

ट्याङ्करमाथि आक्रमण र अमेरिकी भण्डार घट्ने अनुमानले बढ्यो तेलको मूल्य

काठमाडौँ । मध्यपूर्वमा तेल ट्याङ्करमाथि आक्रमण जारी रहनु र अमेरिकी कच्चा तेलको भण्डार घट्ने अपेक्षाले मंगलबार...

#आक्रमण
Compare →
Onlinekhabar
21h ago
अमेरिकामा आक्रमण हुनसक्ने गुप्तचरी सूचनापछि इरानलाई ट्रम्पको चेतावनी

अमेरिकामा आक्रमण हुनसक्ने गुप्तचरी सूचनापछि इरानलाई ट्रम्पको चेतावनी

अमेरिकी राष्ट्रपति डोनाल्ड ट्रम्पले अमेरिकाभित्र कुनै पनि प्रकारको आक्रमण नगर्न इरानलाई चेतावनी दिएका छन् । वासिङ्टन डीसी इरानको सम्भावित निशाना हो कि होइन भन्ने पत्रकारको प्रश्नमा उनले यस्तो चेतावनी दिएका हुन् । फिलिपिन्सको राजधानी मनिलामा जारी …

#आक्रमण
Compare →
Arthasansar
5d ago
इरानमाथि फेरि आक्रमण गर्न पछि नहट्ने ट्रम्पको चेतावनी

इरानमाथि फेरि आक्रमण गर्न पछि नहट्ने ट्रम्पको चेतावनी

अमेरिकी राष्ट्रपति डोनाल्ड ट्रम्पले इरानको अवस्था आफूले अपेक्षा गरेअनुसार अघि नबढे पुनः सैन्य कारबाही गर्न नहिचकिचाउने चेतावनी दिएका छन् ।...

#आक्रमण
Compare →

Related Stories

World News
Build #2612