Trending
Prev Story
Next Story

सरकारले तोक्न लागेको उखुको समर्थन मूल्यमा किसानको असहमति

Ekantipur •
November 17, 2026 • 02:32 PM
3
3 reads 0 reactions

बेलाबेला बजारमा चिनी प्रतिकिलो १ सय ३० भन्दा पनि बढी पुगिरहेकाले उखुको समर्थन मूल्य पनि उसैगरी बढाउनुपर्ने किसानको माग

सरकारले तोक्न लागेको उखुको समर्थन मूल्यमा किसानको असहमति

बेलाबेला बजारमा चिनी प्रतिकिलो १ सय ३० भन्दा पनि बढी पुगिरहेकाले उखुको समर्थन मूल्य पनि उसैगरी बढाउनुपर्ने किसानको माग

काठमाडौँ — सरकारले यस वर्ष तोक्न लागेको उखुको समर्थन मूल्यमा किसानले असहमति जनाएका छन् । कृषि, वन तथा पर्यावरण मन्त्रालयले गत वर्षको तुलनामा प्रतिक्विन्टल ८ रुपैयाँ लागत बढाएर ६ सय २८ रुपैयाँ तोक्न लाग्दा लागत नउठ्ने भन्दै किसानले विरोध गरेका हुन् ।

उखुको मूल्य निर्धारण गर्दा बजारमा चिनीको मूल्य वृद्धिको अनुपातलाई आधार बनाउनुपर्ने किसानको माग छ । बेलाबेला बजारमा चिनी प्रतिकिलो १ सय ३० भन्दा पनि बढी पुगिरहेकाले उखुको समर्थन मूल्य पनि उसैगरी बढाउनुपर्ने किसानहरूको भनाइ छ ।

मन्त्रालयले किसानलाई भन्दा उद्योगीलाई प्रोत्साहन गर्न समर्थन मूल्य तोक्न लागेको नेपाल उखु उत्पादन संघका अध्यक्ष श्यामबाबु रायको आरोप छ । ‘गत वर्ष बजारमा चिनी प्रतिकिलो ८५ रुपैयाँमा बिक्री भइरहेको थियो । किसानका लागि प्रतिक्विन्टल उखुको समर्थन मूल्य ६ सय २० तोकियो,’ रायले भने, ‘अहिले चिनीको मूल्य बजारमा बढिरहेको छ । किसानको लागत भने कसरी उही पुरानै हुन्छ ?’

संघले कम्तीमा पनि प्रतिक्विन्टल १ हजार रुपैयाँ समर्थन मूल्य तोकिनुपर्ने माग राखेको रायले जनाए । ‘हामीले प्रतिक्विन्टल १ हजार २५ रुपैयाँ मूल्य माग गरेका छौं । त्यसमा पनि केही घटाएर एक हजार रुपैयाँसम्म कायम भए चित्त बुझाउन सकिन्छ,’ उनले भने, ‘अहिलेको प्रस्तावअनुसार गतवर्षभन्दा ८ रुपैयाँ मात्रै बढाउँदा किसानको लागतसमेत उठ्दैन ।’

गत वर्ष उखुको समर्थन मूल्य प्रतिक्विन्टल ६ सय २० रुपैयाँ थियो । त्यसमा सरकारले अुनदानबापत दिने रकम ७० रुपैयाँ थियो । उखु उत्पादनमा प्रतिक्विन्टल करिब ७ सय रुपैयाँ खर्च हुने गरेको राय बताउँछन् । एक क्विन्टल उखुबाट करिब ९ किलो चिनी उत्पादन हुन्छ । किसानले प्रतिक्विन्टल उखुको एक हजार रुपैयाँ मूल्य पाए पनि उनीहरूको हातमा मुनाफा करिब ३०० रुपैयाँ मात्रै बाँकी रहने रायको भनाइ छ ।

सरकारले प्रस्ताव गरेको मूल्यमा सहमति नजुटे आन्दोलनमा जानुपर्ने अवस्था आउने र उखु खेती नै छाड्नुपर्ने बाध्यता आइपर्ने रायको भनाइ छ । ‘मन्त्रालयसँग एक चरणमा छलफल भइसकेको छ, तर समर्थन मूल्यमा हामीले असहमति राख्यौं,’ उनले भने, ‘बिहीबार पुनः वार्ताका लागि बोलाइएको छ ।’

समर्थन मूल्य तोक्ने पहिलो चरणको छलफल निष्कर्षमा नपुगेपछि किसानलाई पुनः छलफलका लागि बोलाइएको मन्त्रालयका सूचना अधिकृत मणिरत्न अर्यालले पुष्टि गरे । सरकारले दिने अनुदानबाहेक प्रतिक्विन्टल ६ सय २८ देखि ६ सय ३० रुपैयाँसम्म कायम गर्ने तयारी भए पनि किसानले असहमति राखेको उनको भनाइ छ । थप छलफल गरेर यसै साता उखुको समर्थन मूल्य टुंगो लगाइने उनले जनाए ।

उखु क्रसिङको मुख्य सिजन मंसिर मध्यदेखि सुरु भई चैत–वैशाखसम्म चल्छ । गत वर्ष नेपालमा करिब २ करोड २१ लाख क्विन्टल उखु उत्पादन भएको थियो । यस वर्ष उत्पादन बढेर २ करोड २५ लाख क्विन्टल पुग्ने संघको अनुमान छ ।

प्रकृति कान्तिपुर मिडिया ग्रुपका आबद्ध दाहाल, अर्थतन्त्रका विविध आयाम, महिला अधिकार र प्रशासनका विषयमा रिपोर्टिङ गर्छिन् ।

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Onlinekhabar
5h ago
क्रसिङ नजिकिँदा उखु मूल्यमा रस्साकस्सी, ८ रुपैयाँ मात्रै बढ्ने भन्दा भड्किए किसान

क्रसिङ नजिकिँदा उखु मूल्यमा रस्साकस्सी, ८ रुपैयाँ मात्रै बढ्ने भन्दा भड्किए किसान

१ मंसिर, काठमाडौं । चिनी उद्योगहरूले उखु पेल्ने (क्रसिङ) याम सँघारमै आइपुग्दा समेत चालु सिजनका लागि उखुको न्यूनतम समर्थन मूल्य अझै तय हुन सकेको छैन । मूल्य निर्धारण गर्न गत भदौमै गृहकार्य थालिए पनि सरकारी अध्ययनले …

#उखु #किसान #मूल्यमा
Compare →
Hamro Patro News
12h ago
उखुको मूल्यवृद्धि र बाँकी भुक्तानीको विषयमा सहमति नभए आन्दोलन गर्ने किसानको चेतावनी

उखुको मूल्यवृद्धि र बाँकी भुक्तानीको विषयमा सहमति नभए आन्दोलन गर्ने किसानको चेतावनी

काठमाडौं : उखु उत्पादक किसानले चालु आर्थिक वर्षका लागि सरकारी अनुदानसहित उखुको मूल्य प्रतिक्विन्टल १ हजार २५ रुपैयाँ कायम गर्न सरकारसँग माग गरेका छन्। बढ्दो उत्पादन लागत र महँगीअनुसार उखुको मूल्यवृ...

#उखु #किसान
Compare →
Nagarik News
13h ago
किसानका पीडा : उत्पादन छ, मूल्य छैन

किसानका पीडा : उत्पादन छ, मूल्य छैन

सरकारले धानको न्यूनतम समर्थन मूल्य समयमै तोक्न थाले पनि किसानले त्यसको लाभ पाउन सकेका छैनन्।

#किसान
Compare →

Related Stories

Business & Economy
Build #2612