राइजिङ स्टार यू–१२ ब्वाइज ओपन क्रिकेट प्रतियोगिता भोलि १ मंसिरदेखि गोकर्णेश्वर मैदानमा हुने भएको छ ।
काठमाडौँ — काठमाडौं– राइजिङ स्टार यू–१२ ब्वाइज ओपन क्रिकेट प्रतियोगिता भोलि १ मंसिरदेखि गोकर्णेश्वर मैदानमा हुने भएको छ ।
जुनियर क्रिकेटको विकास र प्रतिभावान खेलाडीलाई अवसर प्रदान गर्ने उद्देश्यले प्रतियोगिता गरिएको आयोजकले जनाएको छ ।
प्रतियोगितामा १६ टिमको सहभागिता रहनेछ । त्यसमा ८ टिम जिल्ला स्तरबाट सहभागी हुनेछ । जिल्लास्तरका खेलाडीका लागि प्रोत्साहन गर्ने आयोजकले जनाएको छ ।
प्रतियोगितामा उत्कृष्ट प्रदर्शन गर्ने टिम तथा खेलाडीलाई आकर्षक पुरस्कारको व्यवस्था गरिएको छ । विजेताले ५० हजार र उपविजेताले ३५ हजार पुरस्कार पाउनेछन् । प्लेयर अफ द सिरिजलाई किटब्याग प्रदान गरिनेछ । उत्कृष्ट ब्याटरलाई ब्याट र उत्कृष्ट बलरलाई क्रिकेट सुज प्रदान गरिने जनाइएको छ ।
यस प्रतियोगिताले क्रिकेट प्रतिभाहरू उत्पादन गर्न महŒवपूर्ण भूमिका खेल्ने अपेक्षा गरिएको छ । प्रतियोगिता ह्वाइट ड्रेसमा ४० ओभरको हुने निर्देशक सुनिलमान अमात्यले बताए । यू–१२ मा सेतो ड्रेस र रातो बलमा पहिलो पटक नेपालमा प्रतियोगिता हुन गइरहेको उनले बताए ।
प्राविधिक निर्देशक रवीन्द्र गुप्ताले १६ टिमलाई चार समूहमा राखेर खेलाइने बताए । उद्घाटन खेलमा राइजिङ स्टार र सीईसी भक्तपुरबीच प्रतिस्पर्धा हुनेछ ।