रुपन्देही । दसैँको दिन थियो । घरमा आफन्त र दाजुभाइसँग टीका लगाएर बाबुछोरा ससुराली र मावलीतर्फ लागेका थिए । लामो समयपछि काठमाडौंँबाट जन्मघर आएका ६२ वर्षीय देवीराम आचार्य र उनका २३ वर्षीय छोरा विवेक आचार्यका लागि दसैँ पारिवारिक भेटघाट, आशीर्वाद र खुसी साटासाट गर्ने अवसर थियो । केही दिनअघि मात्रै श्रीमती, छोरा र छोरीसहित गाउँ आएका देवीरामले परिवारसँगै दसैँ मनाउने योजना बनाएका थिए । तर, कसलाई थाहा थियो र, टीका लगाउन हिँडेका बाबुछोरा अब कहिल्यै घर नफर्किने गरी बिदा हुँदैछन् भन्ने ।
बुधवार दसैँको टीकाको दिन दिउँसो करिब ३ बजे भूमिकास्थान नगरपालिका–८ लम्चीबाट बाबुछोरा मोटरसाइकलमा अमलाचौरतर्फ लागे । देवीरामका बाबुछोराले जन्मघरमा दाजुभाइसँग टीका थापिसकेका थिए । अब श्रीमती र छोरीलाई ससुरालीमा भेटेर आफन्तसँग दसैँको टीका लगाउने पालो थियो । ससुरालीमा श्रीमती र छोरीसहित परिवारका सदस्य उनीहरूलाई पर्खिरहेका थिए ।
Read full story at source ( nepalpress.com )
