मकवानपुरको भीमफेदीमा भएको दुःखद सवारी दुर्घटना हुनुभन्दा एक दिनअघि सोही रूट (मलंगवा–काठमाडौं) मा चल्ने ईभी (EV) हाइसमा यात्रा गरेकी लालबन्दी, सर्लाहीकी यात्रु आशिका पौडेलले सवारी साधनको चरम लापरबाहीबारे गम्भीर अनुभव सार्वजनिक गरेकी छन्। टीकाको अघिल्लो दिन बिहान ८ बजे लालबन्दीबाट काठमाडौं आउन उक्त हाइस चढेकी उनले बाटोभरि गाडी दर्जनौँ पटक आफैँ बन्द (अफ) हुँदा यात्रुहरूले मृत्युको मुखबाट जोगिएर यात्रा गर्नुपरेको डरलाग्दो वृत्तान्त सुनाएकी हुन्।
पौडेलका अनुसार निजगढ नपुग्दै गाडी आफैँ बन्द हुन थालेको थियो। चालकले 'तलको एउटा तार निस्केको छ, खाल्डाखुल्डीमा पर्दा अफ हुन्छ' र 'साहुले बनाउँदैन, मलाई मात्र टेन्सन हुन्छ' भन्दै जोखिमपूर्ण रूपमै गाडी हाँकिरहेका थिए। चुरेको उकालो र भीमफेदीको घुम्तीमा समेत गाडी पटक–पटक बन्द हुँदा पछाडिबाट आउने सवारी साधनहरू समेत जोखिममा परेका थिए। यात्रुहरूले हेटौँडामै झरेर अर्को गाडी चढाइदिन आग्रह गर्दासमेत चालकले डोरीले तार बाँधेको बहाना बनाउँदै पूरा भाडाको निहुँ खोजेर जबरजस्ती सोही बिग्रिएको गाडीमा राति ८ बजे जडीबुटी पुर्याएको उनले उल्लेख गरेकी छन्।
Read full story at source ( barnanmedia.com )
