सोल्टी होटलको नाफा १५.२० प्रतिशतले बढ्यो

काठमाडौं । सोल्टी होटलले चालु आर्थिक वर्ष २०८३/८४ को पहिलो त्रैमासमा १४ करोड २३ लाख ७५ हजार रुपैयाँ खुद नाफा कमाएको छ । यो गत आर्थिक वर्षको सोही अवधिको १२ करोड ३५ लाख ८६ हजार रुपैयाँको तुलनामा १५.२० प्रतिशतले बढी हो ।

होटलको सञ्चालन आम्दानी पनि १४.८९ प्रतिशतले वृद्धि भएर ७२ करोड १४ लाख १२ हजार रुपैयाँ पुगेको छ । गत वर्षको पहिलो त्रैमासमा यस्तो आम्दानी ६२ करोड ७९ लाख ४० हजार रुपैयाँ थियो ।

समीक्षा अवधिमा होटलको कुल खर्च १४.३३ प्रतिशतले बढेर ५५ करोड ३२ लाख रुपैयाँ पुगेको छ । अघिल्लो वर्ष यस्तो खर्च ४८ करोड ३८ लाख ४९ हजार रुपैयाँ थियो ।

होटलको प्रतिसेयर आम्दानी १ रुपैयाँ २१ पैसा कायम छ भने प्रतिसेयर नेटवर्थ २९ रुपैयाँ ९१ पैसा र मूल्य आम्दानी अनुपात ४२९.२० गुणा रहेको छ ।

१ अर्ब १७ करोड ५१ लाख ५२ हजार रुपैयाँ चुक्ता पुँजी रहेको होटलको सञ्चित नाफा तथा जगेडा कोषमा २ अर्ब ३४ करोड ३ लाख ७४ हजार रुपैयाँ रहेको छ ।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।