हुआङमाथि चिनियाँ व्यवसायी महिलासँग निकट सम्बन्ध रहेको र ती महिलाले बेइजिङलाई सूचना पुर्याएको विषयमा अमेरिकी गुप्तचर निकायले अनुसन्धान गरिरहेको छ
वासिङ्टन — चिप निर्माता कम्पनी एनभिडियाका प्रमुख कार्यकारी अधिकृत (सीईओ) जेन्सेन हुआङलाई पदबाट हटाउने विषयमा कम्पनीको सञ्चालक समितिले छलफल सुरु गरेको छ। दुई फरक महिलासँग सम्बन्ध रहेको आरोप सार्वजनिक भएपछि ३० वर्षभन्दा बढी समयदेखि नेतृत्व सम्हाल्दै आएका हुआङलाई हटाउने तयारी भएको रोयटर्सले जनाएको छ।
हुआङमाथि चिनियाँ व्यवसायी महिलासँग निकट सम्बन्ध रहेको र ती महिलाले बेइजिङलाई सूचना पुर्याएको विषयमा अमेरिकी गुप्तचर निकायले अनुसन्धान गरिरहेको छ। यसका साथै, कम्पनीकी स्वास्थ्य उपाध्यक्ष किम्बर्ली पावेलसँग पनि हुआङको अनुचित सम्बन्ध रहेको द न्युयोर्क टाइम्सले खुलासा गरेको छ । यसपछि विवाद झनै चुलिएको छ ।
यसअघि हुआङले चिनियाँ महिलासँगको सम्बन्ध स्विकार्दै यसले आफ्नी पत्नी र सन्तानलाई गहिरो चोट पुर्याएको भन्दै माफी मागेका थिए । तर, आफुले राष्ट्रिय सुरक्षासँग जोडिएका कुनै पनि सूचना नदिएको उनको दाबी थियो ।
यस घटनाका कारण एनभिडियाको सेयर मूल्यमा भारी गिरावट आएको छ। सेयर बजारमा ८ प्रतिशतको गिरावट आउँदा कम्पनीले एकै सातामा करिब ६ खर्ब अमेरिकी डलर बराबरको बजार पुँजी गुमाएको छ। अर्कोतर्फ, प्रतिस्पर्धी कम्पनीहरू एएमडी र ब्रोडकमको सेयर मूल्यमा भने वृद्धि देखिएको छ।
६३ वर्षीय हुआङको ठाउँ लिनसक्ने स्पष्ट उत्तराधिकारी नभएकाले उनलाई तत्काल हटाउँदा विश्वव्यापी कृत्रिम बौद्धिकता (एआई) बजारमा ठूलो नेतृत्व शून्यता सिर्जना हुने विश्लेषण गरिएको छ।
(178).png)
