भाइटीका : आत्मीयता, प्रेम र पारिवारिक एकताको पर्व

तिहार अर्थात् यमपञ्चकको अन्तिम दिन कार्तिक शुक्ल द्वितीयाका दिन भाइटीका पर्व मनाइन्छ। भौगोलिक दूरी, समय र परिस्थितिका कारण टाढा रहेका दाजुभाइ तथा दिदीबहिनीलाई एउटै पारिवारिक सूत्रमा बाँध्दै आपसी प्रेम, सद्भाव र आत्मीयता अभिव्यक्त गर्ने विशिष्ट सामाजिक तथा सांस्कृतिक पर्व हो यो। देशका दूरदराजमा रहेका हुन् वा विदेश पुगेका, आफ्नो मौलिक चाडपर्व, रीतिरिवाज र संस्कृतिप्रति अनुराग राख्ने नेपालीहरू यस अवसरमा पारिवारिक मिलनको प्रतीक्षामा रहन्छन्।

यस दिन दिदीबहिनीले दाजुभाइलाई र दाजुभाइले दिदीबहिनीलाई सप्तरङ्गी टीका र फूलमाला लगाइदिई शुभकामना तथा आशीर्वाद आदानप्रदान गर्ने परम्परा छ। मीठा परिकार, फलफूल, भाइमसला, दान, दक्षिणा तथा उपहारको आदानप्रदानले पारिवारिक सम्बन्धलाई थप प्रगाढ बनाउँछ। यस पर्वले टीका लगाउने परम्परालाई मात्र नभई दाजुभाइ तथा दिदीबहिनीबीचको पारस्परिक स्नेह, सम्मान, संरक्षण र उत्तरदायित्वलाई समेत अभिव्यक्त गर्दछ।

Read full story at source ( himalpress.com )