काठमाडौं - नेपाल प्रिमियर लिग (एनपीएल) अन्तर्गत सोमबारको खेलमा काठमाडौं गोर्खाजका स्टार ब्याटर डेभिड वार्नर सस्तैमा आउट भएका छन्। कीर्तिपुरस्थित त्रिवि अन्तर्राष्ट्रिय क्रिकेट मैदानमा चितवनले टस जितेर फिल्डिङ रोजेपछि ब्याटिङ सुरु गरेको काठमाडौंले तेस्रो ओभरमै ठूलो धक्का व्यहोरेको हो।
इनिङ्सको २.४ ओभरमा चितवनका तीव्र गतिका बलर कमल ऐरीले वार्नरलाई १ रनमै बोल्ड गरे। ६ बल सामना गरेका वार्नरले कुनै पनि बाउन्ड्री प्रहार गर्न सकेनन्। वार्नर आउट हुँदा काठमाडौंले २.४ ओभरमा १ विकेट गुमाएर ९ रन बनाएको थियो। हाल क्रिजमा विकेटकिपर साहिल पटेल ८ रन बनाएर खेलिरहेका छन्। चितवनका बलर कमल ऐरीले १.४ ओभरमा ८ रन खर्चेर १ विकेट लिएका छन् भने रिजन ढकालले १ ओभरमा १ रन दिएर कसिलो बलिङ गरेका छन्।
स्रोतमा पूरा पढ्नुहोस् ( canadanepal.com )
.png)
