चीनले थप दुई महिना दुर्लभ खनिजको निर्यातमा रोक नलगाउने

राष्ट्रपति सी जिनपिङ र अमेरिकी राष्ट्रपति डोनाल्ड ट्रम्पबीचको शिखर सम्मेलनपछि भएको बृहत् सम्झौतालाई जोगाइराख्न चीनले यस्तो निर्णय लिएको अमेरिकी सञ्चारमाध्यमहरुले जनाएका छन्

वासिङ्टन — चीनले  दुर्लभ खनिजको निर्यातलाई थप दुई महिना नियन्‍त्रण नगर्ने भएको छ ।  चीनले अप्रिल २०२५ मा केही दुर्लभ खनिजहरूमा निर्यात नियन्त्रण सुरु गरेको थियो ।

सोही वर्षको अक्टोबरमा यसको दायरा अझ फराकिलो बनाउँदै औद्योगिक प्रयोजनका हिरा र लथियम ब्याट्री प्रविधिमाथि नयाँ नियन्त्रणहरू थपेको थियो।

गत नोभेम्बरमा दक्षिण कोरियामा भएको सी र ट्रम्पबीचको शिखर सम्मेलनपछि यी नियन्‍त्रणहरुलाई एक वर्षका लागि स्थगन गरिएको थियो।

वाणिज्य मन्त्रालयले सोमबार जारी गरेको संक्षिप्त वक्तव्यमा उक्त स्थगन आगामी जनवरी १० सम्म दुई महिनाका लागि लम्ब्याइएको जनाएको छ। मन्त्रालयले यसबाहेक अन्य कुनै पनि विस्तृत विवरण भने दिएको छैन।

राष्ट्रपति सी जिनपिङ र अमेरिकी राष्ट्रपति डोनाल्ड ट्रम्पबीचको शिखर सम्मेलनपछि भएको बृहत् सम्झौतालाई जोगाइराख्न चीनले यस्तो निर्णय लिएको अमेरिकी सञ्चारमाध्यमहरुले जनाएका छन् ।

अमेरिकी राष्ट्रपति ट्रम्प यसै महिनाको अन्त्यमा दक्षिण चीनको सेन्जेनमा हुने एपेक (शिखर सम्मेलनमा सहभागी हुन जाँदैछन्, जहाँ उनले चिनियाँ राष्ट्रपति सीसँग भेटवार्ता गर्ने अपेक्षा गरिएको छ।