पोखराका कप्तान चामिका करुणारत्नेले त्रिवि अन्तर्राष्ट्रिय क्रिकेट मैदान कीर्तिपुरमा टस जितेपछि ब्याटिङ गर्ने निर्णय गरेका हुन् ।
काठमाडौँ — नेपाल प्रिमियर लिग क्रिकेटको सोमबारको पहिलो खेलमा पोखरा एभेन्जर्सले कर्णाली याक्सविरुद्ध पहिला ब्याटिङ गर्ने भएको छ । पोखराका कप्तान चामिका करुणारत्नेले त्रिवि अन्तर्राष्ट्रिय क्रिकेट मैदान कीर्तिपुरमा टस जितेपछि ब्याटिङ गर्ने निर्णय गरेका हुन् ।
प्ले अफमा पुग्नलाई कर्णालीलाई यो खेल जित्नै पर्ने दबाब रहेको छ । कर्णालीको ४ खेलमा २ जित र २ हारका साथ ४ अंक छ । पोखरा पहिलो चारै खेलमा पराजित भएर प्ले अफको समीकरण दौडबाट लगभग बाहिरिसकेको छ ।
पोखरा एभेन्जर्सले अघिल्लो खेल खेलेको टोलीबाट सागर ढकाल, सुदीप अर्याल र सदिरा समराविक्रमाको स्थानमा विवेक रानामगर, धनञ्जय लक्षण र सन्नी विकलाई खेलाएको छ ।
कर्णाली याक्सले २ खेलाडी परिवर्त गरेको छ । युनिसविक्रम सिंह ठकुरी र पाकिस्तानी अलराउन्डर हुसैन तलातको स्थानमा युवराज खत्री र बंगलादेशका ओपनर जिशन आलमलाई खेलाइरहेको छ ।
विनोद पाण्डे कान्तिपुरका खेलकुद ब्यूरो प्रमुख हुन् ।
