ठूलो सुक्खा पहिरो खसेपछि सडक दुवैतर्फ अवरुद्ध बनेको छ भने थप पहिरो नआए तीन घण्टाभित्र यातायात खुल्नेछ।
काठमाडौँ — पृथ्वी राजमार्गको मलेखु–मुग्लिङ सडक खण्डअन्तर्गत घोप्टेभीरमा गएको पहिरो हटाउन अझै ३ घण्टा लाग्ने भएको छ ।
सडक डिभिजन भरतपुरका अनुसार पहिरो हटाउन हाल ३ वटा मेसिन परिचालन गरिएका छन् भने थप २ वटा मेसिन परिचालन गर्ने तयारी छ ।
थप पहिरो नआएको खण्डमा अबको करिब ३ घण्टाभित्र पहिरो हटाई यातायात सुचारु गराउने आँकलन डिभिजनको छ ।
सोमबार बिहान घोप्टेभीरमा ठूलो सुक्खा पहिरो खसेपछि सडक दुईतर्फी रूपमा अवरुद्ध भएको छ ।
चितवन जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) चन्द्र भुसनका अनुसार पहिरोले सडक दुवैतर्फ अवरुद्ध भएको छ ।
नागढुंगा–मुग्लिन सडक योजना पश्चिम खण्डका सूचना अधिकारी इन्जिनियर सचेन्द्र मिश्रले राति तीन बजेतिर पहिरो खसेको बताए ।
पहिरोका कारण मुग्लिन हुँदै काठमाडौं जाने–आउने सवारीसाधन चल्न सकेका छैनन् ।
.jpg)
(174).png)
