२२ कात्तिक, काठमाडौं । तिहारको आज तेस्रो दिन । तिहारको मुख्य दिन लक्ष्मीपूजा घरघरमा धनकी देवी लक्ष्मीको पूजा गरिएको छ ।
आइतबार साँझ हिन्दू धर्मावलम्बीहरुले आफ्नो घर, कार्यालय, उद्योग व्यवसायमा धनकी देवी लक्ष्मीको पूजा गरेका छन् ।
घर तथा कार्यालयहरुमा विभिन्न रंग राखेर आकर्षक रंगोली बनाइएको छ । लक्ष्मीको पूजापछि घरको गेट तथा मूलढोकामा पनि खुला राख्ने गरिन्छ ।
लक्ष्मीपूजा केवल धनसम्पत्तिको कामना गर्ने पर्व मात्र नभइ यो सरसफाइ, कृतज्ञता, आशा र नयाँ सुरुवातको सन्देश दिने पर्व पनि मानिन्छ ।
परम्परागत तेलका दियोदेखि देउसी भैलो गीतसम्म, यस पर्वले परिवार, छिमेक र समुदायलाई एकै ठाउँमा जोड्दै नेपालको रातलाई अझ उज्यालो र उत्सवमय बनाएको छ ।
लक्ष्मीपूजापछि घरघरमा बालिएको बत्तीका कारण काठमाडौं उज्यालो देखिएको छ । काठमाडौंको धरहरा, स्वयम्भू, न्युरोड, महावौद्ध, नयाँ बानेश्वर, कोटेश्वर लगायतका क्षेत्रमा यतिबेला उज्यालोको उमंग छ ।
धेरैजसो घर, कार्यालय तथा अन्य पसल तथा व्यवसाय रहेको भवनमा झिलिमिली बत्ती बालिएको छ । झिलिमिली बत्तीले सजिएको काठमाडौं उपत्यकाका विभिन्न स्थानबाट कैद गरिएका तस्वीरहरू यहाँ प्रस्तुत गरिएको छ ।
हेर्नुस् आइतबार साँझ देखिएको उपत्यकाका तस्वीरहरू–
प्रसाईं अनलाइनखबरका फोटोपत्रकार हुन् ।
