फिलिम स्वास्थ्य चौकीमा सात महिनाको शिशु जन्माएकी सुन्तली गुरुङ र प्रसूति मिति कटेकी सुप्रिया गुरुङलाई काठमाडौं पठाइयो।
गोरखा — चुमनुब्री गाउँपालिका–३ फिलिमबाट दुई जना महिलाको हेलिकप्टरबाट उद्धार गरिएको छ ।
चुमनुब्री–३ की २९ वर्षीया सुन्तली गुरुङले फिलिम स्वास्थ्य चौकीमा सात महिनाको बच्चा (बालक) जन्माएकी थिइन् । डाक्टरले सुविधासम्पन्न अस्पतालमा लैजानुपर्ने सल्लाह दिएपछि आमा र बच्चालाई हेलिकप्टरबाट काठमाडौं पठाइएको छ ।
त्यस्तै, चुमनुब्री–३ देबलकी २३ वर्षीया सुप्रिया गुरुङको डेलिभरी डेट कटेपछि उनलाई हेलिकप्टरमार्फत काठमाडौं पठाइएको छ ।
दुवै जनालाई आइतबार नेपाली सेनाको हेलिकप्टरमार्फत थापाथलीस्थित अस्पताल पठाइएको जिल्ला प्रहरी कार्यालय गोरखाका डीएसपी राजकुमार श्रेष्ठले बताए ।
हरिराम उप्रेती कान्तिपुरका गोरखा संवाददाता हुन् ।
.jpeg)
