बिहीबार यसको ११ करोड ९३ लाख रूपैयाँको सेयर कारोबार भएको छ ।
काठमाडौँ — रिलायन्स स्पिनिङ मिल्सको नाफा बढेको विवरण सार्वजनिक भएपछि सेयर बजारका कारोबार उच्चले बढेको छ । बिहीबार यसको ११ करोड ९३ लाख रूपैयाँको सेयर कारोबार भएको छ । कारोबार रकमको आधारमा यो तेस्रो स्थानमा छ ।
चालु आर्थिक वर्ष २०८३ ८४ को पहिलो त्रैमासमा यसको नाफा ३४२ प्रतिशतले बढेर ३० करोड ४८ लाख रूपैयाँ पुगेको छ । अघिल्लो वर्षको पहिलो त्रैमासमा कम्पनीले ६ करोड ८८ लाख रूपैयाँ खुद नाफा कमाएको थियो ।
कम्पनीको सञ्चालन आम्दानी र सञ्चालन नाफामा भएको उल्लेख्य वृद्धिले खुद नाफा बढाउन सहयोग गरेको देखिन्छ। कम्पनीको सञ्चालन आम्दानी २८.७८ प्रतिशतले बढेर ३ अर्ब २० करोड रूपैयाँ पुगेको छ। गत आर्थिक वर्षको पहिलो त्रैमासमा यस्तो आम्दानी २ अर्ब ४९ करोड रूपैयाँ थियो ।
त्यस्तै, कम्पनीको सञ्चालन नाफा १३९ प्रतिशतले बढेर ४० करोड ५७ लाख रूपैयाँ पुगेको छ । अघिल्लो वर्षको सोही अवधिमा यस्तो नाफा १६ करोड ९२ लाख रूपैयाँ थियो ।
यद्यपि, कम्पनीको बिक्री लागत पनि २०.५६ प्रतिशतले बढेर २ अर्ब ६४ करोड रूपैयाँ पुगेको छ । अघिल्लो वर्षको पहिलो त्रैमासमा यस्तो लागत २ अर्ब १९ करोड रूपैयाँ थियो ।
कम्पनीको वार्षिकीकरण प्रतिसेयर आम्दानी (ईपीएस) ६२ रूपैयाँ ९७ पैसा पुगेको छ । त्यस्तै, प्रतिसेयर नेटवर्थ ४ सय ८९ रूपैयाँ ५३ पैसा छ ।
(66).jpg)
