दानबहादुर कार्कीको रिट दर्ता गर्ने कि नगर्ने भन्नेबारे आज छलफल हुँदै

निवर्तमान प्रहरी महानिरीक्षक दानबहादुर कार्कीले आफूलाई गैरकानुनी रूपमा प्रहरी महानिरीक्षकबाट हटाएको उल्लेख गर्दै सर्वोच्च अदालतमा पेस गरेको रिटको टुंगो आज (शुक्रबार) छलफल हुने भएको छ।

रिट निवेदन बिहीबार पेस भएको भए पनि अध्ययनका क्रममा रहेको र दर्ता हुने वा नहुने विषयमा आज छलफल हुने सर्वोच्च अदालत प्रशासनले जनाएको छ।

सरकारले बुधबार कार्कीलाई हटाएर प्रधानमन्त्रीको सुरक्षा सल्लाहकारको जिम्मेवारी दिएको थियो। उक्त निर्णयविरुद्ध कार्कीले सर्वोच्च अदालतमा रिट पेस गरेका हुन्।

प्रकाशित: २० कार्तिक २०८३ ०८:२३ शुक्रबार