१९ कात्तिक, काठमाडौं । सेयर बजारका लगानीकर्ता दीपेन्द्र अग्रवाल रिहा भएका छन् ।
बुधबार पक्राउ परेका अग्रवाललाई बिहीबार जिल्ला अदालत, काठमाडौंले १० लाख धरौटीमा छाड्न आदेश दिएको नेपाल प्रहरीको केन्द्रीय अनुसन्धान ब्यूरो (सीआईबी) का एआईजी उमाप्रसाद चतुर्वेदीले जानकारी दिए ।
उनका अनुसार, उनी धरौटी बुझाएर आज रिहा भएका हुन् ।
हिजो निवासबाटै पक्राउ परेका अग्रवाललाई अदालत बुझाइएको थियो । बुधबार उनको थुनछेक बहस नसकिएपछि प्रहरी कस्टडीमा राखिएको थियो ।
बिहीबार अदालतको आदेशसँगै उनी धरौटी बुझाएर रिहा भएका हुन् ।
