तिहार पछिको पहिलो कारोबार दिन नेप्से परिसूचक एकल अंकले घटेर बन्द भएको छ । यो साताको एक मात्रै कारोबार दिन शुक्रबार नेप्से परिसूचक ६.४४ अंकले घटेर बन्द भएको हो ।
आजको कारोबार बन्द हुँदा नेप्से परिसूचक २६४८.७७ विन्दुमा पुगेको छ । कारोबार समयमा नेप्से २६५६ अंकसम्म पुगेको थियो । अन्तिममा भने बजारले त्यो विन्दुलाई कायम राख्न सकेन् । आज सेयर बजारमा १६० कम्पनीको सेयर मूल्य घटेको छ भने ११० कम्पनीको मूल्य बढेको छ । आज ९ कम्पनीको सेयर मूल्य स्थिर रहेको छ ।
त्यस्तै आज सेन्सेटिभ इन्डेक्स पनि ०.५८ अंकले घटेर ४७९.५४ विन्दुमा पुगेको छ । आज सेयर बजारका १३ उपसूचकमध्ये ९ वटाको मूल्य घटेको छ भने ४ वटाको मात्रै बढेको छ । परिसूचक घटेको दिन सेयर बजारमा ३ अर्ब माथिको कारोबार भएको छ ।
आज सेयर बजारमा ३३५ कम्पनीका ७८ लाख ४४ हजार २६७ कित्ता सेयर ३१ हजार ३२३ पटक खरिद बिक्री हुँदा ३ अर्ब ५ करोड ४२ लाख ७४ हजार ७२५ रुपैयाँको कारोबार भएको छ ।
