एनपीएल: विराटनरलाई काठमान्डुको ब्याटिङ गर्ने निम्तो

नेपाल प्रिमियर लिग क्रिकेटमा आज बिहीबार दोस्रो खेलमा काठमान्डु गाेर्खाजका कप्तान करण केसीले त्रिवि अन्तर्राष्ट्रिय क्रिकेट मैदान कीर्तिपुरमा टस जितेर विराटनगर किंग्सलाई ब्याटिङको निम्ताे दिएका छन् ।

काठमाडौँ — काठमान्डु गोर्खाजले नेपाल प्रिमियर लिग क्रिकेटमा आाज बिहीबार दोस्रो खेलमा विराटनगर किंग्सविरुद्ध पहिला फिल्डिङ गर्ने भएको छ ।

काठमान्डुका कप्तान करण केसीले त्रिवि अन्तर्राष्ट्रिय क्रिकेट मैदान कीर्तिपुरमा टस जितेर विराटनगरलाई ब्याटिङको निम्ताे दिएका छन् ।

विराटनरको यौ चौथो र काठमान्डुको तेस्रो खेल हो । विराटनगरले ४ खेलमा २ जित र २ हारको नतिजा निकोलेको छ भने पहिलो खेलमा जनकपुर बोल्ट्ससॅग पराजित काठमान्डुले अघिल्लो खेलमा कर्णालीलाई ४ विकेटले पराजित गरेको थियो ।

काठमान्डुले कर्णाली याक्सविरुद्ध खेलेको अघिल्लो खेलको टोलीबाट ३ खेलाडी परिवर्तन गरेको छ । मोहमम्द आदिल आलमको स्थानमा साहिल पटेल तथा स्मित पटेल र रिपन मन्डलको स्थानमा सहन अराचिगे र विल बोसिस्टोलाई खेलाएको छ । तीनै खेलाडी प्रतियोगितामा पहिलो खेल खेलिरहेका छन् ।

विराटनगरबाट एन्ड्रे रसेल आफ्नो अन्तिम खेल खेल्दै छन् । यसअघि चार खेलमा वेस्ट इन्डिजका यी अलराउन्डरले प्रभावशाली प्रदर्शन गर्दै आएका छन् । जनकपुर बोल्ट्सविरुद्ध अघिल्लो खेलमा विजय हात पारेको टोलीबाट विराटनगर किंग्सले कुनै खेलाडी परिवर्तन गरेको छैन ।