कान्तिपुर फर्मास्युटिकल्सले पायो आईपीओ अनुमति

१९ कात्तिक, काठमाडौं । नेपाल धितोपत्र बोर्डले लामो समयपछि थप एउटा कम्पनीलाई प्राथमिक सेयर (आईपीओ) निष्कासनका लागि अनुमति दिएको छ ।

बोर्डले कान्तिपुर फर्मास्युटिकल्स कम्पनीलाई कुल ८० लाख कित्ता सेयर निष्कासनका लागि अनुमति दिएको हो । अंकित मूल्य १ सयका दरले कम्पनीले आईपीओ निष्कासन गर्नेछ ।

कुल निष्कासन हुने सेयरमध्ये १७ लाख कित्ता सेयर सर्वसाधारण समूहमा निष्कासन गर्नेछ । बाँकी ६३ लाख कित्ता सेयर संस्थापक समूहको रहेको छ । सेयर निष्कासन तथा बिक्री प्रबन्धकमा मुक्तिनाथ क्यापिटल रहेको छ ।