ओखलढुंगाको मानेभञ्ज्याङ गाउँपालिका–६ सोक्मटारस्थित दूधकोशी नदी किनारको ब्आलेम बगर खेलमैदानमा आयोजित दशौँ व्याकुल माइला गोल्डकपको उपाधि ज्वालामुखी युवा समूह हर्कपुरले जितेको छ । खेलकुदको माध्यमबाट विकासको अभियान भन्ने नाराका साथ राष्ट्रिय गानका सर्जक प्रदीपकुमार राई (व्याकुल माइला) को जन्मथलोमा नयाँ नेपाल सरोकार समाजको मुख्य आयोजनामा सञ्चालित प्रतियोगिताको आज भएको फाइनल खेलमा निर्धारित समयमा गोल हुन नसकेपछि सप्तरंगी युवा समुह फोकुललाई ट्राइब्रेकरमार्फत पेनाल्टी सुटआउटबाट ४ का विरुद्ध ५ गोल अन्तरले पराजित गर्दै ज्वालामुखीले उपाधि चुमेको हो ।
उपाधिसँगै विजेता ज्वालामुखी युवा समुहले रु. तीन लाख ३३ हजार ३३३ र उपविजेता बनेको सप्तरंगी युवा समूहले रु. एक लाख ५० हजार १११ प्राप्त गरेको छ । यस्तै प्रतियोगितामा सेमिफाइनलिस्ट भएका दूधकौशिका आधारभूत विद्यालय र मानेभञ्ज्याङ युवा समूहलाई रु. ८० हजारका दरले पुरस्कार प्रदान गरिएको छ ।
Read full story at source ( gorkhapatraonline.com )
