काठमाडौं । भारतसँगको व्यापारिक सम्बन्ध निलम्बन हुँदा पाकिस्तानले करिब ४० अर्ब अमेरिकी डलर बराबरको आर्थिक क्षति व्यहोर्नुपरेको दाबी गरिएको छ । सन् २०१९ मा पुलवामा आतङ्कवादी आक्रमणपछि भारत र पाकिस्तानबीच बढेको तनावका कारण व्यापारिक सम्बन्ध प्रभावित बनेपछि पाकिस्तानको व्यवसाय, उद्योग तथा आपूर्ति प्रणालीमा ठूलो असर परेको पाकिस्तान–भारत व्यापार परिषद्का अध्यक्ष नूर मोहम्मद कसूरीले बताएका छन् ।
भारतसँगको व्यापार बन्द हुँदा पाकिस्तानले आवश्यक कच्चा पदार्थ तथा विभिन्न औद्योगिक र उपभोग्य वस्तु टाढाका मुलुकबाट आयात गर्नुपरेको उनको भनाइ छ । यसले आयात लागत, ढुवानी खर्च र सामान आपूर्तिमा लाग्ने समय बढाएको उनले बताएका छन् । कसूरीले दुवै छिमेकी मुलुकलाई व्यापारिक सम्बन्ध पुनःस्थापना गर्न आग्रह गर्दै व्यापार खुलेमा दुवैतर्फका व्यवसायीलाई फाइदा पुग्ने र लगानी, पर्यटन तथा क्षेत्रीय सहकार्यका नयाँ अवसर सिर्जना हुने बताएका छन् ।
स्रोतमा पूरा पढ्नुहोस् ( aarthiknews.com )
.png)
