२८ वर्षीया गर्भवतीको अवस्था जटिल बनेपछि तत्काल हेलिकोप्टरबाट उद्धार गरी सुर्खेत लगिएको छ ।
डोल्पा — डोल्पाको शे–फोक्सुण्डो गाउँपालिका–४ नाम्दोबाट साल अड्किएर जटिल अवस्थामा पुगेकी गर्भवती महिलाको उद्धार गरी उपचारका लागि सुर्खेत लगिएको छ।
२८ वर्षीया पेम्मा आङमो गुरुङलाई आज उद्धार गरी उपचारका लागि सुर्खेत लगिएको प्रमुख जिल्ला अधिकारी जुनु हमालले जानकारी दिइन्। उनका अनुसार गर्भवतीको अवस्था जटिल बनेपछि तत्काल उद्धारको व्यवस्था गरिएको हो।
उपल्लो डोल्पाबाट जिल्ला सदरमुकाम दुनैसम्म पनि सडक सञ्जाल जोडिएको छैन। उपल्लो डोल्पामा तीनवटा स्थानीय तह छन्। ती क्षेत्रमा पर्याप्त स्वास्थ्य उपचार सुविधा नहुँदा जटिल अवस्थाका बिरामीलाई उपचारका लागि बाहिर लैजानुपर्ने बाध्यता छ।
दुर्गम क्षेत्रका गर्भवतीलाई जटिल स्वास्थ्य समस्या देखिँदा समयमै स्वास्थ्य केन्द्रसम्म पुर्याउन कठिन हुने गरेको छ।
रामचन्द्र रामचन्द्र न्याैपाने कान्तिपुरका डाेल्पा संवाददाता हुन् ।
