पोखरा एभेन्जर्सले नेपाल प्रिमियर लिग क्रिकेटमा आइतबार टस जितेर फिल्डिङ गरिरहेको छ ।
काठमाडौँ — पोखरा एभेन्जर्सले नेपाल प्रिमियर लिग क्रिकेटमा आइतबार टस जितेर फिल्डिङ गरिरहेको छ । पोखराका कप्तान कुशल भुर्तेलले त्रिवि अन्तर्राष्ट्रिय क्रिकेट मैदान कीर्तिपुरमा टस जितेपछि जनकपुर बोल्ट्सलाई ब्याटिङका लागि बोलाएका हुन् ।
कुशल भुर्तेलको कप्तानीमा रहेको पोखराबाट दीनेश अधिकारी, माहेदी हसन, शकिब अल हसन, अर्जुन घर्तीमगर, मोहम्मद सैफुद्धिन, चामिका करुणारत्ने, किरण ठगुन्ना, विपिन आचार्य, विपिन खत्री र प्रतिक पोखरेल खेलिरहेका छन् । टोलीले अर्जुन कुमाल, सागर ढकाल जस्ता खेलाडीलाई प्लेयिङ ११ मा राखेको छैन ।
हरमित सिंहको कप्तानीमा रहेको जनकपुर बोल्ट्सबाट मोइन अली, मयन यादव, तृतराज दास, अनिल साह, सैफ हसन, जिम्मी निसम, अभिषेक तिवारी, अमरसिंह रौटेला, ललित राजवंशी र राहुल यादव खेलिरहेका छन् ।
जनकपुरमा लोकप्रिय खेलाडी निसम फर्किएका छन् । न्युजिल्यान्डका यी अलराउन्डले काठमान्डुसॅगको खेल खेलेका थिएनन् । निसमलाई कुशल पेरेराको स्थानमा ल्याइएको छ ।
जनकपुर लगातार दोस्रो विजयको प्रतिक्षामा छ भने पोखरा पहिलो विजय हात पार्ने दाउमा रहेको छ । यो जनकपुरको तेस्रो र पोखराको दोस्रो खेल हो । पहिलो खेलमा कर्णाली याक्सॅग १९ रनले पराजित जनकपुरले दोस्रो खेलमा काठमान्डु गोर्खाजमाथि ८ विकेटको प्रभावशाली विजय हात पारेको थियो । पोखरा पहिलो खेलमा सुदूरपश्चिम रोयल्ससॅग ६ विकेटले पराजित भएको थियो ।
विनोद पाण्डे कान्तिपुरका खेलकुद ब्यूरो प्रमुख हुन् ।
