नेपाल प्रिमियर लिग (एनपीएल) अन्तर्गत आज कीर्तिपुरस्थित त्रिवि क्रिकेट मैदानमा विराटनगर किङ्स र सुदूरपश्चिम रोयल्सबिचको खेल ५-५ ओभरमा छोट्याएर खेलाइने भएको छ।
वर्षा र प्राविधिक कारणले लामो समय रोकिएको उक्त खेलका लागि साँझ ७ः२५ बजे टस हुने तालिका तय गरिएको छ। खेल भने अन्तिम ‘कट अफ’ समय साँझ ७ः४१ बजेबाट सुरु हुनेछ।
साँझ ५ बजेका लागि निर्धारित खेल मैदान भिजेका कारण अन्योलमा परेको थियो। मैदान खेलयोग्य बनेसँगै अम्पायरहरूले ओभर भारी कटौती गर्दै पाँच ओभरको प्रतिस्पर्धा गराउने निर्णय लिएका हुन्।
प्रकाशित: १४ कार्तिक २०८३ १९:१८ शनिबार
