गोरखा : लगातार तीन दिनको वर्षापछि आएको स्यार खोलाको बाढीले गाउँलेले १५ दिन लगाएर बनाएका चारवटा फड्के (काठेपुल) बगाएको छ।
चुम उपत्यकावासीका लागि 'लाइफलाइन'का रूपमा रहेका चारवटा काठेपुल बाढीले बगाएपछि त्यहाँका बासिन्दा निराश भएका छन्। गत बिहीबारदेखि परेको अविरल वर्षापछि चुमनुब्री गाउँपालिका–६ स्थित स्यार खोलामा आएको बाढीले ती पुलहरू बगाएको स्थानीय गोपाल लामाले बताए। चुम उपत्यका जाने मुख्य बाटो खुलाउन एक हप्ताअघि मात्र चुमनुब्री गाउँपालिकाले १५ दिन लगाएर चारवटा काठेपुल निर्माण गरेको थियो। गत आइतबार मात्र निर्माण सम्पन्न भएका ती पुलहरू शुक्रबार राति स्यार खोलामा आएको बाढीले बगाएको लामाले जानकारी दिए। हालै निर्मित काठेपुलहरू बाढीले बगाएपछि चुम उपत्यका पुनः नाकाबन्दीकै अवस्थामा पुगेको उनको भनाइ छ।
Read full story at source ( annapurnapost.com )
