भारी बोक्छन् गिटी कुट्छन् उनी पनि मर्छन्
रातदिन पूजापाठमा जुट्छन् उनी पनि मर्छन्
धर्म कर्म अमीर फकिर मृत्युमा भेद हुन्न
दही खान्छन् दुधले चुठ्छन् उनी पनि मर्छन्।
जुत्ता वस्त्र किन लाए सबै भन्न सक्छन्
भोकप्यास न त मेट्न सक्छ न त जाडो छेक्छ
सुन र हिरा किन लाए कोही भन्न सक्छन्?
सामान बोकेँ शहर धाएँ छोराछोरी बढेपछि
शहर लगी सन्तान पाल्दा ऋणले घरवार उडे पनि
थोत्रा ब्रान्डेड लाउन पाएँ छोराछोरी बढेपछि।
सन्ततिको गालीगलौज श्रीमतीको झर्कोफर्को
दिनदिनै माग बढिराख्छ गहना र चोलो बर्को
घरको मालिक बन्ने पुरुष अभागी वा भाग्यमानी
आश्रित भई बाँच्नुभन्दा मालिक बनी बाँच्न चर्को।
कुरा गर्छ्यौ मेरो नाम तिम्रो मुटुमा लेखेको
प्रत्यक्ष छ तिम्रो पाउले मेरो शिरमा टेकेको
मैले घाम लाग्छ भन्दा उनी भन्छिन् पानी पर्छ
मैले काम लाग्छ भन्दा उनी भन्छिन् हानि गर्छ।
पतिव्रता धर्म उनको जहिल्यै बोल्दा जित्नुपर्ने
बच्चालाई नअह्राउनू भन्छिन् आफैं जानी गर्छ।
धर्मभित्रै पर्छ भन्छन् जुठो सुतक बार्नेहरू
भ्रमका भरमा पितृलाई बैतरणी तार्नेहरू
अन्धविश्वास बढेपछि मानवता हट्दो रैछ
धर्मै गर्यौँ भन्छन् तड्पाई पाल्तु प्राणी मार्नेहरू।
मरन्च्याँसेदेखि मलाई नखाएको मान्नेहरू
पानी जमी पेट फुल्दा अघाएको जान्नेहरू
अड्कल गीता पढ्नेलाई भित्री कुरा थाहा हुन्न
ओठले दाँत नछोपिँदा हाँस्यो भनी ठान्नेहरू।
बाँच्नलाई कतै काट्नु कतै टाल्नुपर्ने।
लाग्थ्यो केही गर्नैपर्छ मान्छे भएपछि
प्रकाशित: १४ कार्तिक २०८३ ०९:१४ शनिबार
