स्थानीय छविलाल लामाले सञ्चालन गरेको हिडन भ्याली एग्रो फार्ममा रहेका गाईलाई शुक्रबार साँझ बारीमा चराइरहेका बेला अचानक बाघले आक्रमण गरेको प्रहरीले जनाएको छ ।
नवलपुर — पूर्वी नवलपरासीको विनयी त्रिवेणी गाउँपालिका–५ भेडीगाउँमा बाघको आक्रमण गरेर दुईवटा गाई मारेको छ भने एउटा गाई बेपत्ता भएको छ ।
स्थानीय छविलाल लामाले सञ्चालन गरेको हिडन भ्याली एग्रो फार्ममा रहेका गाईलाई शुक्रबार साँझ बारीमा चराइरहेका बेला अचानक बाघले आक्रमण गरेको प्रहरीले जनाएको छ ।
फार्म सञ्चालकका अनुसार चराउन लगिएका सातवटा गाईमध्ये तीनवटालाई बाघले आक्रमण गरेको थियो । तीमध्ये दुईवटा गाई घटनास्थलमै मृत अवस्थामा फेला परेका छन् भने एउटा गाई अझै फेला परेको छैन ।
यस अगाडि पनि विनय त्रिवेणीको बगुवनमा बाघ बस्तीमा पसेर पसु चौपाया लाई आक्रमण गरेको थियो । स्थानीयले बाघ बस्ती मा पसेपछि हिँडडुल गर्न डर भएको भन्दै बाघ नियन्त्रणमा लिएर अन्यन्त्र जङलमा छोड्न माग गरेका छ्न ।
नवीन पौडल कान्तिपुरका नवलपरासी संवाददाता हुन् ।
